လံာ်လူၤကၣ် 7:2 - Sgaw Karen Common Bible

² ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

လံာ်လူၤကၣ် 7:2 Iomraidhean Croise

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 35:8

နီၢ်ဒဘိရၣ်, ပှၤလၢအကွၢ်နီၢ်ရံးဘကၤသံဝဲဒီးဘၣ်တၢ်ခူၣ်လီၤ အီၤဖဲသ့ၣ်သ့ထိးဖၣ်အခီၣ်ထံးလၢအအိၣ်ဝဲဖဲဝ့ၢ်ဘ့ၤသ့လးအက လံၤထံးန့ၣ်လီၤ. ဒီးတၢ်လီၢ်အံၤဘၣ်တၢ်ကိးအီၤလၢ “အးလိၣ်ဘၤ ကူာ်” အခီပညီ, “တၢ်ဟီၣ်တၢ်ယၢၤအသ့ၣ်သ့ထိးဖၣ်” န့ၣ်လီၤ.

လံာ်စီၤယိၤဘး 31:5

ယဆိၣ်လီၤယသးလၢယတမၤလၢၤတၢ်အၢတၢ်သီနီတဘျီဒီး ယတကျဲးစၢးလၢၤနီတဘျီလၢယကလီန့ၢ်ပှၤဂၤဘၣ်.

တၢ်ကတိၤဒိ. 29:21

စးထီၣ်လၢအမ့ၢ်ဖိသၣ်လံၤလံၤန့ၣ်, နမ့ၢ်ဟ့ၣ်လီၤနခ့နပှၤလၢတၢ်ခဲလၢာ်ဒ်အသးလီဝဲအသိးန့ၣ်ဒီး, မုၢ်ကအိၣ်ဝဲတနံၤလၢအဝဲကဟံးန့ၢ်ကယဲၢ်တၢ်လၢအမ့ၢ် နတၢ်ခဲလၢာ်န့ၣ်လီၤ.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်လူၤကၣ် 7:1

ဖဲယ့ၣ်ၡူးစံးကတိၤတၢ်သ့ၣ်တဖၣ်အံၤခဲလၢာ်လၢပှၤဂီၢ်မုၢ်ဝံၤဝဲန့ၣ်, အဝဲဒၣ်လဲၤဆူဝ့ၢ်ကပ့းရနီၣ်လီၤ.

လံာ်လူၤကၣ် 7:3

ဖဲသုးခိၣ်နၢ်ဟူဘၣ်ဃးယ့ၣ်ၡူးအဂ့ၢ်န့ၣ်, အဝဲဒၣ်မၢလီၤပှၤယူဒၤသူၣ်က့သးပှၢ်တနီၤဆူအအိၣ်ဒ်သိး အကမၢအဝဲဒၣ်ဟဲဒီးမၤဘျါအခ့အပှၤတဂၤန့ၣ်အဂီၢ်လီၤ.

လံာ်လူၤကၣ် 8:42

အဂ့ၢ်မ့ၢ်လၢအဝဲဒၣ်အဖိမုၣ်လၢအအိၣ်ထဲတဂၤဧိၤ, ဒီးအသးအိၣ်ဝဲတဆံခံနံၣ်န့ၣ်ဘူးတ့ၢ်လၢကသံအဃိန့ၣ်လီၤ. ဖဲယ့ၣ်ၡူးလဲၤတၢ်လၢကျဲန့ၣ်, ပှၤဂီၢ်မုၢ်တဖၣ်သနံးအီၤကိးကပၤဒဲးလီၤ.

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 10:7

ဖဲကလူးလၢအကတိၤတၢ်တဂၤဟးထီၣ်ကွံာ်ဝံၤအလီၢ်ခံန့ၣ်, စီၤကန့လံးကိးထီၣ်အခ့အပှၤလၢအမၤတၢ်လၢအဟံၣ်အကျါခံဂၤ ဒီးသုးဖိတဂၤလၢအယူးယီၣ်ဒီးပျံၤယွၤဒီးမ့ၢ်ပှၤမၤတၢ်လၢ အဂီၢ်ထီဘိအကျါတဂၤန့ၣ်လီၤ.

မၤတၢ် 22:26

ဖဲသုးဖိတကယၤအခိၣ်နၢ်ဟူတၢ်အံၤန့ၣ်, အဝဲဒၣ်လဲၤဆူသုးဖိတကထိအခိၣ်အအိၣ်ဒီးသံကွၢ်အီၤ, “နမၤတၢ်မနုၤလဲၣ်န့ၣ် မ့ၢ်နသ့ၣ်ညါကစီဒီဧါ. ပှၤတဂၤန့ၣ်, မ့ၢ်ရိမ့ၤအထံဖိကီၢ်ဖိတဂၤလီၤ.”

မၤတၢ် 23:17

ဖဲန့ၣ်စီၤပီလူးကိးပှၤသုးဖိတကယၤအခိၣ်အကျါ တဂၤဒီးစံးဘၣ်အီၤ, “ဆှၢပိာ်ခွါသးစၢ်တဂၤအံၤဆူပှၤသုးဖိတကထိအခိၣ်အအိၣ် တက့ၢ်. အဝဲအိၣ်ဒီးတၢ်ဂ့ၢ်တမံၤလၢအကစံးဘၣ်တဲဘၣ်အီၤလီၤ.”

မၤတၢ် 27:1

ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 27:3

မုၢ်ဆ့ၣ်ထီၣ်တနံၤန့ၣ်ပလဲၤတုၤလၢဝ့ၢ်စံဒိၣ်လီၤ. စီၤယူၤလံဂ့ၤဝဲလၢစီၤပီလူးအဖီခိၣ်ဒီးဟ့ၣ်အဝဲဒၣ်အခွဲးလၢ အကလဲၤအိၣ်သကိးအတံၤသကိးတဖၣ်ဒီးဒိးန့ၢ်တၢ် လၢအလိၣ်ဘၣ်ဝဲတဖၣ်လီၤ.

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.