လံာ်လူၤကၣ် 7:19 - Sgaw Karen Common Bible

¹⁹ ဒီးဆှၢအီၤဆူကစၢ်အအိၣ်ဒ်သိးအကသံကွၢ်အီၤ, “နမ့ၢ်နဲပှၤတဂၤလၢစီၤယိၤဟၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

လံာ်လူၤကၣ် 7:19 Iomraidhean Croise

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မၢ်ကူး 6:7

အန့ၣ်ဝံၤအဝဲကိးဖှိၣ်အပျဲၢ်အဘီၣ်တဆံခံဂၤဒီးမၢလီၤဝဲလၢ အကဟးထီၣ်ခံဂၤတပူၤခံဂၤတပူၤဒီးဟ့ၣ်လီၤစ့ၢ်ကီးဝဲ တၢ်စိတၢ်ကမီၤလၢတၢ်နါတဖၣ်အဖီခိၣ်လီၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 11:1

ဘၣ်တနံၤန့ၣ်, ယ့ၣ်ၡူးဃ့ဘါထုကဖၣ်တၢ်ဖဲတၢ်လီၢ်တတီၤလီၤ. ဖဲအဝဲဒၣ်အတၢ်ထုကဖၣ်ကတၢၢ်န့ၣ်, အဝဲအပျဲၢ်အဘီၣ်အကျါ တဂၤစံးဘၣ်အီၤ, “ကစၢ်ဧၢ, သိၣ်လိပှၤလၢပကဃ့ဘါထုကဖၣ်တၢ်, ဒ်စီၤယိၤဟၣ်သိၣ်လိအပျဲၢ်အဘီၣ်တဖၣ်အသိးန့ၣ်တက့ၢ်.”

လံာ်လူၤကၣ် 11:39

လၢတၢ်န့ၣ်အဃိကစၢ်ယ့ၣ်ၡူးစံးဘၣ်အီၤ, “ခဲကနံၣ်အံၤ, သုဝဲပှၤဖၤရံၤၡဲတဖၣ်သုမၤကဆှီလီခီလၢအချၢတကပၤလီၤ. မ့မ့ၢ်လၢသုပူၤတခီန့ၣ်သုလၢပှဲၤဒီးတၢ်စုဆူၣ်ခီၣ်တကးဒီးတၢ် အၢတၢ်သီလီၤ.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 13:15

ကစၢ်စံးဆၢက့ၤအီၤဒီးစံးဝဲ, “ပှၤပာ်မၤအသးသ့ၣ်သုဧၢ, သုဝဲတဂၤဂ့ၤတဂၤဂ့ၤသုဃ့ၣ်လီၤသုကျီၢ်မ့တမ့ၢ်သုကသ့ၣ် ယီၤလၢကပိၤပူၤဒီးမိၤထီၣ်အီၤဆူခိဒ်သိးသုကဒုးအီအီၤထံဖဲ မုၢ်အိၣ်ဘှံးနံၤတမ့ၢ်ဘၣ်ဧါ.

လံာ်လူၤကၣ် 17:5

တၢ်မၢဖိတဖၣ်စံးဘၣ်ကစၢ်, “မၤအါထီၣ်ပတၢ်စူၢ်တၢ်နာ်တက့ၢ်.”

လံာ်လူၤကၣ် 17:6

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

လံာ်လူၤကၣ် 18:6

ဒီးကစၢ်စံးကဒီးဝဲ, “ဒိကနၣ်တၢ်လၢပှၤစံၣ်ညီၣ်ကွီၢ်တတီတလိၤတဂၤန့ၣ်စံးဝဲတက့ၢ်.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

လံာ်လူၤကၣ် 22:61

ကစၢ်ဃၣ်တရံးအသးဒီးကွၢ်ဃီၤတၢ်လိၤလိၤဆူစီၤပ့းတရူးအအိၣ်, ဒီးစီၤပ့းတရူးသ့ၣ်နီၣ်ထီၣ်ကစၢ်အတၢ်ကတိၤလၢအစံးဘၣ်တ့ၢ်အီၤ, “တနၤအံၤတချုးဆီဖါကီၢ်အိၣ်အိထီၣ်န့ၣ်, နကသမၢယၤသၢစုန့ၣ်လီၤ.”

လံာ်လူၤကၣ် 24:34

လၢအစံးဝဲ, “ကစၢ်ဂဲၤဆၢထၢၣ်သမူထီၣ်က့ၤနီၢ်နီၢ်လီၤ. အဝဲဒၣ်လီၣ်ဖျါထီၣ်တ့ၢ်အသးလၢစီၤၡံမိၣ်လံ,” န့ၣ်လီၤ.

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 7:20

ဖဲအဝဲသ့ၣ်ဟဲဆူယ့ၣ်ၡူးအအိၣ်န့ၣ်စံးဝဲ, “ပှၤဘျၢတၢ်စီၤယိၤဟၣ်ဆှၢလီၤပှၤဒ်သိးပကသံကွၢ် နမ့ၢ်နဲပှၤတဂၤလၢအဝဲဒၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

လံာ်ယိၤဟၣ် 11:2

(နီၢ်မၤရံအဝဲအံၤမ့ၢ်ပှၤတဂၤဃီလၢအလူလီၤအသိနၢမူလၢ ယ့ၣ်ၡူးအခီၣ်အလိၤဒီးတြူာ်ကွံာ်ဝဲအခီၣ်လၢအခိၣ်သူလီၤ. စီၤလါစရူးလၢအဆိးက့အံၤမ့ၢ်အဝဲအဒီပုၢ်ဝဲၢ်ခွါလီၤ.)

လံာ်ယိၤဟၣ် 4:1

ဖဲယ့ၣ်ၡူးသ့ၣ်ညါလၢပှၤဖၤရံၤၡဲတဖၣ်နၢ်ဟူလၢ အဝဲမၤန့ၢ်ဒီးဘျၢဘၣ်အပျဲၢ်အဘီၣ်တဖၣ်အါန့ၢ်စီၤယိၤဟၣ်န့ၣ်,

လံာ်ယိၤဟၣ် 4:25

ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”