လံာ်လူၤကၣ် 7:16 - Sgaw Karen Common Bible

¹⁶ ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်လူၤကၣ် 7:16 Iomraidhean Croise

စံးထီၣ်ပတြၢၤ 65:9

နဒုးနဲၣ်ဖျါထီၣ်နတၢ်အံးထွဲကွၢ်ထွဲဟီၣ်ခိၣ်ခီဖျိ နဒုးဟဲစူၤလီၤမူခိၣ်, နမၤအါထီၣ်ဟီၣ်ခိၣ်ညၣ်ထ့ၣ်န့ၣ်လီၤ. နမၤပှဲၤထံကျိဖိတဖၣ်လၢထံ, နကတဲာ်ကတီၤဟီၣ်ခိၣ်လၢ တၢ်မုၢ်တၢ်ဘိတဖၣ်လီၤ. တၢ်အံၤမ့ၢ်တၢ်လၢနမၤဝဲန့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်မးသဲ 15:31

တုၤပှၤဂီၢ်မုၢ်တဖၣ်ထံၣ်ဘၣ်ပှၤအုးအးကတိၤထီၣ်တၢ်, ပှၤအစုကၢ်အခီၣ်ချံးတဖၣ်ဂ့ၤထီၣ်က့ၤ, ပှၤအခီၣ်ဟးဂီၤတဖၣ်ဟးထီၣ်က့ၤ, ဒီးပှၤအမဲာ်ဘျီၣ်ထံၣ်ထီၣ်က့ၤတၢ်ဒီး, ကမၢကမၣ်ဝဲ ဒီးစံးထီၣ်ပတြၢၤအံၣ်စရ့လးအကစၢ်ယွၤလီၤ.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 28:8

လၢတၢ်န့ၣ်အဃိ, အဝဲသ့ၣ်ဃ့ၢ်ထီၣ်ကွံာ်ဝဲလၢတၢ်သွၣ်ခိၣ် အပူၤန့ၣ်ချ့သဒံးလၢတၢ်ပျံၤဒီးတၢ်သးခုဖးဒိၣ်အပူၤ, ဒီးဃ့ၢ်ဝဲဒ်သိးအကတဲဘၣ်ယ့ၣ်ၡူးအပျဲၢ်အဘီၣ်တဖၣ် လၢတၢ်ဂ့ၢ်န့ၣ်လီၤ.

လံာ်လူၤကၣ် 1:65

ကယဲၢ်ပှၤအိၣ်ဆိးလၢအခိၣ်အဃၢၤတဖၣ်ပှဲၤဒီးတၢ်ပျံၤတၢ်ဖုးဒီး တၢ်ကစီၣ်ဘၣ်ဃးတၢ်သ့ၣ်တဖၣ်အံၤအဂ့ၢ်ဟူထီၣ်သါလီၤဝဲ သကုၤကီၢ်ယူဒၤအတၢ်လူၢ်တၢ်တြီၤတၢ်လီၢ်တၢ်ကျဲတဖၣ်လီၤ.

လံာ်လူၤကၣ် 1:68

“မ်ပကစံးထီၣ်ပတြၢၤသကိးကစၢ်, အံၣ်စရ့လးအကစၢ်ယွၤန့ၣ်တက့ၢ်. အဝဲဒၣ်ဟဲဒ်သိးအကမၤစၢၤအပှၤဂီၢ်မုၢ်ဒီးဒုးထူၣ်ဖျဲးထီၣ်ကွံာ်အဝဲသ့ၣ်လီၤ.

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.

လံာ်လူၤကၣ် 2:20

ပှၤကွၢ်သိတဖၣ်က့ၤကဒါက့ၤဝဲ, အိၣ်ဒီးတၢ်သးဝံၣ်စံးထီၣ်ပတြၢၤ ကစၢ်ယွၤလၢတၢ်လၢအဝဲသ့ၣ်တဖၣ်အနၢ်ဟူဘၣ်တ့ၢ်ဝဲ ဒီးထံၣ်ဘၣ်တ့ၢ်ဝဲခဲလၢာ်အဃိလီၤ. တၢ်မၤအသးန့ၣ်, မ့ၢ်ဝဲဒ်ကလူးတဂၤန့ၣ်စံးဘၣ်တဲဘၣ်တ့ၢ်အဝဲသ့ၣ်အသိးန့ၣ်လီၤ.

လံာ်လူၤကၣ် 24:19

အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်လူၤကၣ် 5:26

အဝဲသ့ၣ်ကိးဂၤဒဲးကမၢကမၣ်ဝဲဒိၣ်မးဒီးလၢတၢ်ပျံၤတၢ်ဖုးအဒိၣ် အအါအပူၤ, အဝဲသ့ၣ်စံးထီၣ်ပတြၢၤကစၢ်ယွၤဒီးစံးဝဲ, “မုၢ်တနံၤအံၤ, ပထံၣ်ဘၣ်တၢ်လၢအလီၤလိၢ်လီၤလးမးတဖၣ်လီၤ.”

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 7:15

ပှၤသံတဂၤန့ၣ်ဆ့ၣ်နီၤဝဲ, ဒီးကတိၤထီၣ်တၢ်, ဒီးယ့ၣ်ၡူးဟ့ၣ်လီၤက့ၤအီၤဆူအမိၢ်အစုပူၤန့ၣ်လီၤ.

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်လူၤကၣ် 9:19

အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”

လံာ်ယိၤဟၣ် 1:25

အဝဲသ့ၣ်သံကွၢ်စီၤယိၤဟၣ်, “နမ့တမ့ၢ်ခရံာ်, မ့တမ့ၢ်ဘၣ်ဒီးဝံအ့ၤလံယၤ, မ့တမ့ၢ်ဘၣ်ဝံလၢယွၤကမၢလီၤအီၤန့ၣ်ဘၣ်ဒီး, ဘၣ်မနုၤအဃိလၢနဘျၢတၢ်လဲၣ်.”

လံာ်ယိၤဟၣ် 4:19

ပိာ်မုၣ်န့ၣ်စံးဝဲ, “ကစၢ်ဧၢ, ယထံၣ်လၢနမ့ၢ်ဝံတဂၤန့ၣ်လီၤ.

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 9:17

ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ, “နစံးလၢအဝဲမၤဘျါက့ၤနၤလၢနတၢ်မဲာ်ဘျီၣ်လီၤ. ဂ့ၤလံ. နဲတခီနစံးလၢအဝဲအဂ့ၢ်ဒ်လဲၣ်.” အဝဲစံးဆၢဝဲ, “အဝဲဒၣ်မ့ၢ်ဝံတဂၤလီၤ.”

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

မၤတၢ် 7:37

စီၤမိၤၡ့မ့ၢ်ပှၤလၢအစံးဘၣ်ပှၤအံၣ်စရ့လးဖိတဖၣ်, ‘ကစၢ်ယွၤကမၢလီၤဝံတဂၤလၢအကဟဲဆူသုအိၣ်, ဒ်အမၢလီၤယၤအသိး, ဒီးအဝဲဒၣ်ကမ့ၢ်ပှၤလၢ သုပှၤကလုာ်ဒၣ်ဝဲအကျါတဂၤလီၤ.’

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.