လံာ်လူၤကၣ် 7:14 - Sgaw Karen Common Bible

¹⁴ တုၤနုၤတစုအဝဲဒၣ်လဲၤဃီၤဒီးထိးဘၣ်ကျုာ်ဒီးပှၤလၢအစိာ်တၢ် တဖၣ်အိၣ်ကတီၢ်ဝဲလီၤ. ယ့ၣ်ၡူးစံးဝဲ, “ပိာ်ခွါသးစၢ်ဧၢ, ယစံးဘၣ်နၤဂဲၤဆၢထၢၣ်တက့ၢ်.”

လံာ်လူၤကၣ် 7:14 Iomraidhean Croise

လံာ်စီၤပၤအခီၣ်ထံးတဘ့ၣ် 17:21

အန့ၣ်ဒီး, စီၤအ့ၤလံယၤစူၣ်မံလီၤအသးလၢဖိသၣ်အဖီခိၣ်သၢ ဘျီဒီးဘါထုကဖၣ်ဝဲ, “အိယွၤ, ယကစၢ်ယွၤဧၢ, ဟ့ၣ်ကဒါက့ၤဖိသၣ်အံၤအသးသမူတက့ၢ်.”

လံာ်စီၤပၤအခီၣ်ထံးတဘ့ၣ် 17:22

ယွၤစံးဆၢစီၤအ့ၤလံယၤအတၢ်ထုကဖၣ်, ဒီးဖိသၣ်စးထီၣ်သါကဒါက့ၤဒီးမူက့ၤဝဲန့ၣ်လီၤ.

လံာ်စီၤယိၤဘး 14:12

ပှၤကညီသံဝဲဒီးတဂဲၤဆၢထၢၣ်နီတစုလၢၤဘၣ်. ဒ်မူခိၣ်အိၣ်ဂၢၢ် ဆိးကျၢၤဝဲအသိးန့ၣ်အဝဲသ့ၣ်တဂဲၤဆၢထၢၣ်နီတစုဘၣ်. အဝဲ သ့ၣ်တဘၣ်တၢ်ထိၣ်ဂဲၤပၢၢ်ထီၣ်အီၤလၢအတၢ်မံန့ၣ်ဘၣ်.

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

စံးထီၣ်ပတြၢၤ 33:9

အဂ့ၢ်ဒ်အံၤ, တုၤအစံးတၢ်ဒီးတၢ်ကဲထီၣ်အသးလီၤ. တုၤအဟ့ၣ်လီၤအကလုၢ်ဒီး တၢ်ခဲလၢာ်အိၣ်ထီၣ်ဝဲလီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်မၢ်ကူး 5:41

အဝဲဒၣ်ဟံးထီၣ်ဖိသၣ်မုၣ်န့ၣ်လၢအစုဒီးစံးဘၣ်အီၤ, “တၤလံၤသၤကူမံၤ,” အခီပညီ “ပိာ်မုၣ်ဖိဧၢ, ယစံးဘၣ်နၤ, ဂဲၤဆၢထၢၣ်တက့ၢ်.”

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 7:15

ပှၤသံတဂၤန့ၣ်ဆ့ၣ်နီၤဝဲ, ဒီးကတိၤထီၣ်တၢ်, ဒီးယ့ၣ်ၡူးဟ့ၣ်လီၤက့ၤအီၤဆူအမိၢ်အစုပူၤန့ၣ်လီၤ.

လံာ်လူၤကၣ် 7:17

တၢ်ကစီၣ်ဘၣ်ဃးဒီးယ့ၣ်ၡူးတမံၤအံၤဟူထီၣ်သါလီၤဝဲသကုၤကီၢ် ယူဒၤဒီဘ့ၣ်ညါဒီးလၢတၢ်လီၢ်အိၣ်ဖဲအဃၢၤဝးဝးန့ၣ်လီၤ.

လံာ်ယိၤဟၣ် 11:25

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

ရိမ့ၤ 4:17

တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ လၢစီၤအၤဘြၤဟၣ်နာ်, ကစၢ်ယွၤတဂၤလၢ အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ် တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.

အ့းဖ့းစူး 5:12

(တၢ်လၢပှၤတဖၣ်အံၤမၤဝဲလၢတၢ်ခူသူၣ်အပူၤန့ၣ်, ပကကတိၤတၢ်လၢအဂ့ၢ်ဒၣ်လဲာ်မ့ၢ်တၢ်လီၤမဲာ်ဆှးဒိၣ်မးလီၤ.)