လံာ်လူၤကၣ် 6:8 - Sgaw Karen Common Bible

⁸ ဘၣ်ဆၣ်ဒီးယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်, ဒီးစံးဘၣ်ပှၤလၢအစုသံတခီပၤတဂၤန့ၣ်, “ဆၢထၢၣ်ဒီးဟဲဖဲအံၤလၢတၢ်မဲာ်ညါတက့ၢ်.” ပှၤတဂၤန့ၣ်ဂဲၤထၢၣ်ဒီးဆၢထၢၣ်ဝဲဖဲန့ၣ်လီၤ.

လံာ်လူၤကၣ် 6:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်စီၤယိၤဘး 42:2

ယွၤဧၢ, ယသ့ၣ်ညါလၢနသ့တၢ်လၢာ်, ဒီးတၢ်တြီနတိာ်တၢ် တသ့ဘၣ်နီတမံၤဘၣ်.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်မးသဲ 9:4

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံး, “ဘၣ်မနုၤလၢသုအိၣ်ဒီးတၢ်ဆိကမိၣ်အအၢ အသီလၢသုသးကံၢ်ပူၤလဲၣ်.

လံာ်မၢ်ကူး 3:3

ယ့ၣ်ၡူးစံးဘၣ်ပှၤတဂၤန့ၣ်, “ဟဲထီၣ်ဆူတၢ်မဲာ်ညါအံၤတက့ၢ်.”

လံာ်လူၤကၣ် 13:12

ဖဲယ့ၣ်ၡူးထံၣ်ဘၣ်အီၤန့ၣ်, အဝဲဒၣ်ကိးဃီၤအီၤဆူအအိၣ်ဒီးစံး, “ပိာ်မုၣ်ဧၢ, နထူၣ်ဖျဲးထီၣ်ကွံာ်လၢနတၢ်ဆူးတၢ်ဆါလံ.”

လံာ်လူၤကၣ် 5:22

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးစံးဘၣ်အဝဲသ့ၣ်, “ဘၣ်မနုၤလၢသုဆိကမိၣ်တၢ်ဒ်န့ၣ်အသိးတဖၣ်လဲၣ်.

လံာ်လူၤကၣ် 6:9

အန့ၣ်ဝံၤဒီးယ့ၣ်ၡူးစံးဘၣ်အဝဲသ့ၣ်, “ယကသံကွၢ်သု, ပတၢ်သိၣ်တၢ်သီပျဲပှၤလၢပကမၤတၢ်မနုၤတမံၤဖဲပှၤယူဒၤဖိ အမုၢ်အိၣ်ဘှံးနံၤန့ၣ်လဲၣ်. လၢပကမၤစၢၤတၢ်ဧါ. မ့တမ့ၢ်လၢပကမၤဆါတၢ်လဲၣ်. လၢပကအုၣ်က့ၤခီၣ်က့ၤပှၤကညီတဂၤအသးသမူဧါ. မ့တမ့ၢ်ပကမၤဟးဂီၤကွံာ်အီၤန့ၣ်လဲၣ်.”

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 26:26

စီၤပၤအကြံးပၤဧၢ, ယကတိၤတၢ်ဒီးနၤလၢတၢ်သူၣ်ဒူသးဒူ အပူၤသ့ဝဲလီၤ. အဂ့ၢ်ဒ်အံၤ, နသ့ၣ်ညါဘၣ်ဃးတၢ်ဂ့ၢ်သ့ၣ်တဖၣ် အံၤန့ၣ်လီၤ. ယနာ်သပှၢ်ကတၢၢ်လၢနပာ်သူၣ်ပာ်သးတ့ၢ်နဲလၢ တၢ်ဂ့ၢ်တဖၣ်အံၤကိးမံၤဒဲးလီၤ. အဂ့ၢ်ဒ်အံၤ, တၢ်ဂ့ၢ်လၢအမၤအသးအံၤတမၤအသးလၢတၢ်သနၢၣ်န့ၣ်ဘၣ်.

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

၁ ပ့းတရူး 4:1

မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.