လံာ်လူၤကၣ် 6:6 - Sgaw Karen Common Bible

⁶ ဖဲပှၤယူဒၤဖိအမုၢ်အိၣ်ဘှံးနံၤအဂၤတနံၤန့ၣ်, ယ့ၣ်ၡူးလဲၤနုာ်ဆူဘူၣ်ဘျီၣ်လၢအမ့ၢ်တၢ်ဘါအလီၢ်ဒီးသိၣ် လီၤသီလီၤတၢ်လီၤ. ပှၤအိၣ်ဝဲဒၣ်ဖဲန့ၣ်တဂၤလၢအစုထွဲတခီသံဝဲလီၤ.

လံာ်လူၤကၣ် 6:6 Iomraidhean Croise

လံာ်စီၤပၤအခီၣ်ထံးတဘ့ၣ် 13:4

တုၤစီၤပၤယၤရၤဘၣ်နၢ်ဟူတၢ်အံၤန့ၣ်, ယူာ်ဃီၤအစုဆူအီၤဒီး ဟ့ၣ်လီၤအကလုၢ်, “ဖီၣ်ပှၤတဂၤန့ၣ်တက့ၢ်.” တစုဃီၤဖဲန့ၣ်စီၤပၤအစုဘၣ်ကလံၤအဃိအဝဲထုးကဒါက့ၤအီၤ တန့ၢ်လၢၤဘၣ်န့ၣ်လီၤ.

လံာ်စကၤရယၤ 11:17

ပှၤကွၢ်သိလၢအတဂိာ်တသီၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲဒၣ်လဲၤသဒၣ်ကွံာ်အသိတဖုလီၤ. တၢ်ဒုးတၢ်ယၤကမၤဟးဂီၤကွံာ်အတၢ်စိတၢ်ကမီၤလီၤ. အစုဒုၣ်ကသံတခီပၤ, ဒီးအမဲာ်ချံထွဲကဘျီၣ်ကွံာ်ဝဲဒၣ်န့ၣ်လီၤ.”

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်လူၤကၣ် 13:10

ဘၣ်ဖဲမုၢ်အိၣ်ဘှံးနံၤတနံၤန့ၣ်, ယ့ၣ်ၡူးသိၣ်လီၤသီလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖျၢၣ်အပူၤလီၤ.

လံာ်လူၤကၣ် 14:3

ဒီးယ့ၣ်ၡူးကတိၤထီၣ်တၢ်ဒီးသံကွၢ်သရၣ်သိၣ်လိလံာ်တၢ် သိၣ်တၢ်သီတဖၣ်, ဒီးပှၤဖၤရံၤၡဲတဖၣ်, “တၢ်မၤဘျါက့ၤ တၢ်ဖဲမုၢ်အိၣ်ဘှံးနံၤန့ၣ်, ပတၢ်သိၣ်တၢ်သီဟ့ၣ်အခွဲးကစီဒီဧါ. မ့တမ့ၢ်တဟ့ၣ်ဝဲလဲၣ်.”

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,

လံာ်လူၤကၣ် 4:31

တၢ်န့ၣ်ဝံၤအလီၢ်ခံ, ယ့ၣ်ၡူးလဲၤဝဲဆူကပ့းရနီၣ်, ဝ့ၢ်တဖျၢၣ်လၢအအိၣ်ဝဲဖဲကီၢ်ကၤလံၤလါ, ဒီးဖဲန့ၣ်အဝဲဒၣ်သိၣ်လီၤသီလီၤပှၤဂီၢ်မုၢ်တဖၣ်ဖဲ မုၢ်အိၣ်ဘှံးအနံၤလီၤ.

လံာ်လူၤကၣ် 6:1

ဘၣ်ဖဲပှၤယူဒၤဖိအမုၢ်အိၣ်ဘှံးနံၤတနံၤန့ၣ်, ယ့ၣ်ၡူးလဲၤတၢ်ဒီးခီဂာ်ဝဲစံာ်ပျီတဖၣ်လီၤ. အဝဲအပျဲၢ်အဘီၣ်တဖၣ်ဒဲးဘုအစဲၤတဖၣ်, လံာ်လူာ်ဝဲလၢအစုဒီးအီၣ်ဝဲလီၤ.

လံာ်လူၤကၣ် 6:5

ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤကညီဖိခွါအံၤမ့ၢ်ဝဲပှၤယူဒၤဖိအမုၢ်အိၣ်ဘှံးနံၤအကစၢ်လီၤ.”

လံာ်ယိၤဟၣ် 5:3

ပှၤဆူးပှၤဆါအါဒံအါဂၤအိၣ်မံလီၤလၢတၢ်ဒုးခိၣ်တဖၣ်အံၤ အဖီလာ်ဒီးပှၤတဖၣ်န့ၣ်မ့ၢ်ဝဲပှၤမဲာ်ဘျီၣ်, ပှၤခီၣ်ဟးဂီၤ, ဒီးပှၤသံတခီပၤတဖၣ်န့ၣ်လီၤ.

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.