လံာ်လူၤကၣ် 6:48 - Sgaw Karen Common Bible

⁴⁸ အဝဲဒၣ်လီၤဂာ်ဒီးပှၤတဂၤလၢအသူၣ်ထီၣ်ဟံၣ်, ခူၣ်တၢ်ပူၤယိာ်ယိာ်, ဒီးပာ်လီၤဝဲအခီၣ်ထံးခီၣ်ဘိလၢလၢၢ်ခိၣ်န့ၣ်လီၤ. ထံလုၣ်ဘၢကွံာ်ထံကျိအကၢၢ်ခိၣ်ဒီးဘၣ်ဒိဟံၣ်တဖျၢၣ်န့ၣ်, ဘၣ်ဆၣ်ဒီးမၤဟူးမၤဝးအီၤတန့ၢ်ဘၣ်. အဂ့ၢ်မ့ၢ်လၢတၢ်သူၣ်အီၤကျၢၤကျၢၤအဃိလီၤ.

လံာ်လူၤကၣ် 6:48 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:2

ယွၤမ့ၢ်ယပှၤဒီဒီၣ်အိၣ်ပှိၤယၤလီၤ. အဝဲမ့ၢ်ယတိာ်ခၢၣ်သနၢၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:32

ထဲယွၤတဂၤဧိၤမ့ၢ်ကစၢ်ယွၤ, ထဲကစၢ်ယွၤတဂၤဧိၤမ့ၢ်ပှၤလၢအကဟုကယာ် ပှၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:47

ယွၤမူဝဲ, မ်ပှၤလၢအကဟုကယာ်ယၤဘၣ်တၢ်စံးထီၣ်ပတြၢၤ အီၤတက့ၢ်. ဘိးဘၣ်သ့ၣ်ညါကစၢ်ယွၤလၢအဆူၣ်ဝဲ, ယွၤလၢအအုၣ်က့ၤခီၣ်က့ၤယၤတဂၤအတၢ်ဒိၣ်တၢ်မုၢ် န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 22:5

တၢ်သံအလပီတဖၣ်အိၣ်ဝးတရံးယၤ, တၢ်မၤဟးဂီၤအလပီတဖၣ်တလ့ၣ်အသးလၢ ယဖီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 95:1

အိဟဲ, မ်ပသးဝံၣ်ထီၣ်ယွၤတက့ၢ်. မ်ပကိးထီၣ်လၢတၢ်သးခုဆူပကစၢ်ယွၤလၢအမ့ၢ် တၢ်အုၣ်က့ၤခီၣ်က့ၤအလၢၢ်တက့ၢ်.

တၢ်ကတိၤဒိ. 10:25

ကလံၤသီၣ်ဂီၤဟဲလီၤဝဲဒီးပှၤတတီတလိၤတဖၣ်ဒံကွံာ်ဒံဖျိး ကွံာ်ဝဲလီၤ. မ့မ့ၢ်, ပှၤအတီအလိၤတဖၣ်အိၣ်ဂၢၢ်ဆိးကျၢၤဝဲတဘိ ယူာ်ဃီလီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်နၤဃူၣ် 1:8

ဘၣ်ဆၣ်ဒီးဒ်ထံလုၣ်ဘၢတၢ်ဖးဒိၣ်အသိးန့ၣ်, ကမၤဟးဂီၤကွံာ်အဒုၣ်အဒါတဖၣ်တုၤအလၢာ်လီၤ. အဝဲဆှၢပှၤလၢအထီဒါအီၤတဖၣ်န့ၣ်ဆူအတၢ်သံဒၣ်ဝဲန့ၣ်လီၤ.

လံာ်လူၤကၣ် 6:47

ပှၤတဂၤလၢ်လၢ်လၢအဟဲဆူယအိၣ်, ဒီးဒိကနၣ်ယတၢ်ကတိၤတဖၣ်ဒီးစူၢ်အီၤန့ၣ်, ယကဒုးနဲၣ်သုလၢအဝဲဒၣ်လီၤဂာ်ဒီးတၢ်မနုၤလဲၣ်န့ၣ်လီၤ.

လံာ်လူၤကၣ် 6:49

မ့မ့ၢ်ပှၤတဂၤလၢအနၢ်ဟူယကလုၢ်ဒီးတစူၢ်ဝဲန့ၣ်, လီၤဂာ်ဒီးပှၤတဂၤလၢ အသူၣ်ထီၣ်အဟံၣ်လၢဟီၣ်ခိၣ်လိၤ, တအိၣ်ဒီးတၢ်ပာ်လီၤဃာ်အခီၣ်ထံးခီၣ်ဘိနီတမံၤဘၣ်န့ၣ်လီၤ. ဖဲထံလုၣ်ဘၢတၢ်ဒီးဘၣ်ဒိဟံၣ်အဝဲန့ၣ်န့ၣ်, လီၤပှီၢ်ကွံာ်ဝဲတဘျီဃီ, ဒီးအတၢ်လီၤပှီၢ်န့ၣ်မ့ၢ်တၢ်နးမးန့ၣ်လီၤ.”

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:18

အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.