လံာ်လူၤကၣ် 6:47 - Sgaw Karen Common Bible

⁴⁷ ပှၤတဂၤလၢ်လၢ်လၢအဟဲဆူယအိၣ်, ဒီးဒိကနၣ်ယတၢ်ကတိၤတဖၣ်ဒီးစူၢ်အီၤန့ၣ်, ယကဒုးနဲၣ်သုလၢအဝဲဒၣ်လီၤဂာ်ဒီးတၢ်မနုၤလဲၣ်န့ၣ်လီၤ.

လံာ်လူၤကၣ် 6:47 Iomraidhean Croise

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်မးသဲ 12:50

အဂ့ၢ်ဒ်အံၤ, ပှၤတဂၤလၢ်လၢ်လၢအမၤဖဲဒၣ်ယပၢ်အိၣ်လၢမူခိၣ် အတၢ်ဘၣ်အသးန့ၣ်, မ့ၢ်ယဒီပုၢ်ဝဲၢ်ခွါ, ယဒီပုၢ်ဝဲၢ်မုၣ်ဒီးယမိၢ်လီၤ.”

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 6:48

အဝဲဒၣ်လီၤဂာ်ဒီးပှၤတဂၤလၢအသူၣ်ထီၣ်ဟံၣ်, ခူၣ်တၢ်ပူၤယိာ်ယိာ်, ဒီးပာ်လီၤဝဲအခီၣ်ထံးခီၣ်ဘိလၢလၢၢ်ခိၣ်န့ၣ်လီၤ. ထံလုၣ်ဘၢကွံာ်ထံကျိအကၢၢ်ခိၣ်ဒီးဘၣ်ဒိဟံၣ်တဖျၢၣ်န့ၣ်, ဘၣ်ဆၣ်ဒီးမၤဟူးမၤဝးအီၤတန့ၢ်ဘၣ်. အဂ့ၢ်မ့ၢ်လၢတၢ်သူၣ်အီၤကျၢၤကျၢၤအဃိလီၤ.

လံာ်လူၤကၣ် 8:13

တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

လံာ်လူၤကၣ် 8:8

ဒီးတၢ်ချံတနီၤနီၤလီၤဘၣ်လၢဟီၣ်ခိၣ်ညၣ်ထ့ၣ်ဂ့ၤအလီၢ်လီၤ. တၢ်မုၢ်တၢ်ဘိတဖၣ်ဒိၣ်ထီၣ်ဒီးသၣ်ထီၣ်တၤသၣ်တကယၤစုာ်စုာ် လီၤ.” ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “လၢတၢ်န့ၣ်အဃိ, ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 5:40

အန့ၣ်ဒၣ်လဲာ်, သုတသးအိၣ်ဟဲဆူယအိၣ်လၢ သုကန့ၢ်ဘၣ်တၢ်မူအဂီၢ်န့ၣ်ဘၣ်.

လံာ်ယိၤဟၣ် 6:35

ယ့ၣ်ၡူးစံးဘၣ်တဲဘၣ်အဝဲသ့ၣ်, “ယဲဒၣ်အံၤယမ့ၢ်တၢ်မူ အကိၣ်န့ၣ်လီၤ. ပှၤလၢအဟဲဆူယအိၣ်န့ၣ် တၢ်တသၣ်ဝံၤလၢၤဘၣ်အသးနီတဘျီဘၣ်. ပှၤလၢ အစူၢ်က့ၤနာ်က့ၤယၤန့ၣ်တၢ်တသူလၢၤဘၣ်အသးလၢ ထံနီတဘျီဘၣ်.

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ယၤကိာ် 4:17

လၢတၢ်န့ၣ်အဃိ, ပှၤတဂၤလၢအသ့ၣ်ညါမၤတၢ်ဂ့ၤဒီး တမၤဘၣ်ဝဲန့ၣ်မ့ၢ်တၢ်ဒဲးဘးလၢအဂီၢ်လီၤ.

၁ ပ့းတရူး 2:4

ဟဲဆူကစၢ်အအိၣ်, လၢအမ့ၢ်လၢၢ်မူတဖျၢၣ်လၢအဘၣ်တၢ်ညိကွံာ်အီၤလၢပှၤကညီဒ်တၢ် အလုၢ်အပှ့ၤတအိၣ်ဘၣ်အသိး, ဘၣ်ဆၣ်ဘၣ်တၢ်ဃုထၢအီၤလၢကစၢ်ယွၤဒ်တၢ်လုၢ်ဒိၣ်ပှ့ၤဒိၣ် အသိးန့ၣ်တက့ၢ်.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၁ ယိၤဟၣ် 2:29

သုသ့ၣ်ညါလၢခရံာ်န့ၣ်တီဝဲလိၤဝဲလီၤ. မ့မ့ၢ်ဒ်န့ၣ်ဒီး, သုကြၢးသ့ၣ်ညါလၢပှၤကိးဂၤဒဲးလၢအမၤတၢ်လၢအဘၣ် န့ၣ်, မ့ၢ်ကစၢ်ယွၤအဖိန့ၣ်လီၤ.

၁ ယိၤဟၣ် 3:7

ဖိသ့ၣ်လံၤသ့ၣ်ဧၢ, မ်ပှၤသုတလီန့ၢ်သုနီတဂၤတဂ့ၤ. မတၤတဂၤဂ့ၤတဂၤဂ့ၤလၢအမၤတၢ်မ့ၢ်တၢ်တီန့ၣ်, မ့ၢ်ပှၤအတီအလိၤဒ်ခရံာ်တီဝဲလိၤဝဲအသိးန့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.