လံာ်လူၤကၣ် 6:45 - Sgaw Karen Common Bible

⁴⁵ ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

လံာ်လူၤကၣ် 6:45 Iomraidhean Croise

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်ယိၤဟၣ် 7:38

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအစူၢ်က့ၤနာ် က့ၤယၤန့ၣ်, ထံမူကျိတဖၣ်ကယွၤလီၤလၢအသးပူၤလီၤ.”

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

ယူဒၤ 1:15

ဒ်သိးအကစံၣ်ညီၣ်ပှၤခဲလၢာ်, ဒီးကစံၣ်ညီၣ်ဃၣ်ပှၤတယူးတယီၣ်ယွၤခဲလၢာ်လၢအတၢ်မၤ တဖၣ်လၢအမၤတ့ၢ်ဝဲအဃိ, ဒီးပှၤတၢ်ဒဲးဘးဖိလၢအတယူးတယီၣ်ယွၤတဖၣ်လၢအတၢ် ကတိၤအအၢအသီတဖၣ်လၢအကတိၤတ့ၢ်ဝဲထီဒါယွၤအဃိ န့ၣ်လီၤ.”