လံာ်လူၤကၣ် 6:42 - Sgaw Karen Common Bible

⁴² နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.

လံာ်လူၤကၣ် 6:42 Iomraidhean Croise

တၢ်ကတိၤဒိ. 18:17

တချုးဒံးလၢပှၤလၢအထီဒါအီၤတဂၤဟဲဝဲဒီးစးထီၣ်သံကွၢ်သံဒိး အီၤတၢ်န့ၣ်ထီဘိပှၤတဂၤလၢအစးထီၣ်ကတိၤတၢ်လၢကွီၢ်ဘျီၣ်ပူၤ, အတၢ်ကဖျါဘၣ်လီၤ.

လံာ်မးသဲ 26:75

တုၤနုၤတစု, စီၤပ့းတရူးသ့ၣ်နီၣ်ထီၣ်တၢ်လၢယ့ၣ်ၡူးစံးဘၣ် တ့ၢ်အီၤ, “တချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်သၢဘျီလီၤ.” ဒီးအဝဲဟးထီၣ်ကွံာ်ဝဲဖဲန့ၣ် ဒီးဟီၣ်ဝဲလၢာ်သးလီၤ.

လံာ်မးသဲ 7:3

မ့မ့ၢ်ဒ်န့ၣ်ဒီးဘၣ်မနုၤလၢနကွၢ်ဒၣ်တၢ်ကမှံၤလၢအအိၣ်လၢနဒီ ပုၢ်ဝဲၢ်ပှၤစူၢ်က့ၤနာ်က့ၤတၢ်တဂၤအမဲာ်ချံပူၤဒီးတထံၣ်ဘၣ် သ့ၣ်အကျီၣ်လၢအအိၣ်လၢနမဲာ်ချံပူၤန့ၣ်လဲၣ်.

လံာ်မးသဲ 7:4

ဖဲသ့ၣ်အကျီၣ်အိၣ်လၢနမဲာ်ချံဒၣ်နဲအပူၤန့ၣ်, နစံးဘၣ်နဒီပုၢ်ဝဲၢ်လၢ, ‘ပျဲယခွဲးထီၣ်န့ၢ်တၢ်ကမှံၤဖိအိၣ်လၢနမဲာ်ချံပူၤ’ န့ၣ်, ကသ့ဒ်လဲၣ်.

လံာ်လူၤကၣ် 13:15

ကစၢ်စံးဆၢက့ၤအီၤဒီးစံးဝဲ, “ပှၤပာ်မၤအသးသ့ၣ်သုဧၢ, သုဝဲတဂၤဂ့ၤတဂၤဂ့ၤသုဃ့ၣ်လီၤသုကျီၢ်မ့တမ့ၢ်သုကသ့ၣ် ယီၤလၢကပိၤပူၤဒီးမိၤထီၣ်အီၤဆူခိဒ်သိးသုကဒုးအီအီၤထံဖဲ မုၢ်အိၣ်ဘှံးနံၤတမ့ၢ်ဘၣ်ဧါ.

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်လူၤကၣ် 6:41

ဘၣ်မနုၤအဃိနကွၢ်တၢ်ကမှံၤအိၣ်လၢနဒီပုၢ်ဝဲၢ်အမဲာ်ချံပူၤ, ဘၣ်ဆၣ်နတပာ်သူၣ်ပာ်သးလၢသ့ၣ်ဖူတကျီၣ်အိၣ်လၢ နမဲာ်ချံဒၣ်နဲအပူၤန့ၣ်လဲၣ်.

လံာ်လူၤကၣ် 6:43

“သ့ၣ်လၢအဂ့ၤတထူၣ်န့ၣ်တသၣ်ထီၣ်တၤသၣ်လၢအတဂ့ၤဘၣ်, ဒီးသ့ၣ်လၢအတဂ့ၤတထူၣ်န့ၣ်တသၣ်ထီၣ်တၤသၣ်လၢအဂ့ၤစ့ၢ်ကီးဘၣ်.

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

၂ ကရံၣ်သူး 5:18

တၢ်ခဲလၢာ်အံၤဘၣ်တၢ်မၤအီၤလၢကစၢ်ယွၤ, လၢခီဖျိခရံာ်န့ၣ်, လဲလိာ်ကွံာ်ပှၤလၢဒုၣ်ဒါတဖၣ်ဆူအတံၤသကိးတဖၣ်, ဒီးဟ့ၣ်ပှၤမူဒါလၢပကဒုးကဲထီၣ်က့ၤပှၤအဂၤတဖၣ်လၢ အဝဲအတံၤသကိးစ့ၢ်ကီးန့ၣ်လီၤ.

၂ တံၤမသ့း 2:21

ပှၤတဂၤဂၤမ့ၢ်မၤကဆှီထီၣ်ကွံာ်အသးလၢတၢ်အၢတၢ်သီ တဖၣ်န့ၣ်ဒီး, အဝဲဒၣ်ကဘၣ်တၢ်သူအီၤလၢတၢ်အကတီၢ် လီၤဆီတဖၣ်အဂီၢ်, မ့ၢ်လၢအပာ်စီဆှံအသးဒီးကဲဘျုးလၢအကစၢ်အဂီၢ်ဒီး ကတဲာ်ကတီၤအသးလၢကယဲၢ်တၢ်မၤအဂ့ၤအဂီၢ်အဃိလီၤ.

၂ ပ့းတရူး 1:9

ဘၣ်ဆၣ်ဒီး, ပှၤလၢအတအိၣ်ဘၣ်ဒီးတၢ်သ့ၣ်တဖၣ်အံၤန့ၣ်, အတၢ်ထံၣ်ကဖုၣ်ဝဲတုၤဒၣ်လဲာ်တထံၣ်တၢ်လၢၤဘၣ်, ဒီးသးပ့ၤနီၣ်လံဝဲလၢအဝဲဘၣ်တၢ်မၤကဆှီတ့ၢ်လံအီၤလၢ အတၢ်ဒဲးဘးအပူၤကွံာ်တဖၣ်န့ၣ်လီၤ.