လံာ်လူၤကၣ် 6:41 - Sgaw Karen Common Bible

⁴¹ ဘၣ်မနုၤအဃိနကွၢ်တၢ်ကမှံၤအိၣ်လၢနဒီပုၢ်ဝဲၢ်အမဲာ်ချံပူၤ, ဘၣ်ဆၣ်နတပာ်သူၣ်ပာ်သးလၢသ့ၣ်ဖူတကျီၣ်အိၣ်လၢ နမဲာ်ချံဒၣ်နဲအပူၤန့ၣ်လဲၣ်.

လံာ်လူၤကၣ် 6:41 Iomraidhean Croise

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:6

မ့ၢ်လၢစီၤယိၤအာ်တဘၣ်သူၣ်ဘၣ်သးထွဲစီၤပၤအတၢ်ဟ့ၣ်လီၤအကလုၢ် ဘၣ်အဃိ, အဝဲတထၢဘၣ်ပှၤကညီအနီၣ်ဂံၢ်လၢပှၤလ့ၤဝံဒီးပှၤဘံၣ်ယၤမံၣ်ဖိ အဒူၣ်တဖၣ်အပူၤနီတဂၤဘၣ်န့ၣ်လီၤ.

စံးထီၣ်ပတြၢၤ 36:2

အဂ့ၢ်ဒ်အံၤ, အဝဲသ့ၣ်ဆိကမိၣ်ဒိၣ်လီၤက့ၤအသး, ဆိကမိၣ်ဝဲလၢကစၢ်ယွၤတထံၣ်အတၢ်ဒဲးဘးဒီး တစံၣ်ညီၣ်အတၢ်ဒဲးဘးဘၣ်န့ၣ်လီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်မးသဲ 7:1

ဒ်သိးသုသုတဘၣ်တၢ်စံၣ်ညီၣ်လၢကစၢ်ယွၤတဂ့ၤဒီးစံၣ်ညီၣ်ပှၤဂၤတဂ့ၤ.

လံာ်မၢ်ကူး 8:7

လၢအဝဲသ့ၣ်အအိၣ်န့ၣ်, အိၣ်စ့ၢ်ကီးဒီးညၣ်ဖိစှၤဘ့ၣ်န့ၣ်လီၤ. ယ့ၣ်ၡူးစံးထီၣ်ပတြၢၤယွၤအဘျုးအဖှိၣ်ဝံၤမၤလိာ်အပျဲၢ်အဘီၣ် တဖၣ်လၢကနီၤဟ့ၣ်အီၣ်စ့ၢ်ကီးပှၤတဖၣ်န့ၣ်လီၤ.

လံာ်လူၤကၣ် 6:40

ပျဲၢ်တဒိၣ်န့ၢ်အသရၣ်နီတဂၤဘၣ်. ဘၣ်ဆၣ်ဒီး, ပျဲၢ်တဂၤလၢ်လၢ်ဖဲအဝဲဒၣ်မၤလိတၢ်ဝံၤဝဲလၢလၢပှဲၤပှဲၤလံ န့ၣ်, ကလီၤဂာ်ဒီးအသရၣ်လီၤ.

လံာ်လူၤကၣ် 6:42

နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.

လံာ်ယိၤဟၣ် 8:7

ဖဲအဝဲသ့ၣ်ဆၢထၢၣ်ဖဲန့ၣ်ဒီးသံကွၢ်အီၤတၢ်သံကွၢ်တဖၣ် အခါန့ၣ်, ယ့ၣ်ၡူးဝံၢ်ထီၣ်က့ၤအသးဒီးစံးဘၣ်အဝဲသ့ၣ်, “လၢသုဝဲအကျါတဂၤဂၤမ့ၢ်တမၤတၢ်ဒဲးဘးနီတမံၤဘၣ်ဒီး, မ်အကကွံာ်ဆိပိာ်မုၣ်အံၤလၢလၢၢ်တဖျၢၣ်တက့ၢ်.”

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

ယၤကိာ် 1:24

အဝဲကွၢ်ထံလီၤအသးဒီးဟးထီၣ်ကွံာ်ဝဲ, ဒီးတဘျီဃီသးပ့ၤနီၣ်ကွံာ်ဝဲအနီၢ်ကစၢ်မၤအသးဒ်လဲၣ်န့ၣ်လီၤ.