လံာ်လူၤကၣ် 6:4 - Sgaw Karen Common Bible

⁴ အဝဲဒၣ်လဲၤနုာ်ဆူကစၢ်ယွၤအဟံၣ်ပူၤ, ဟံးန့ၢ်ကိၣ်လၢအဘၣ်တၢ်လုၢ်ထီၣ်ပာ်ထီၣ်အီၤလၢကစၢ်ယွၤ, အီၣ်ဝဲဒီးဟ့ၣ်စ့ၢ်ကီးဝဲအပျဲၢ်တဖၣ်လီၤ. နီၢ်နီၢ်တခီန့ၣ်, မ့တမ့ၢ်လၢပှၤလုၢ်တၢ်အခိၣ်တဖၣ်ဘၣ်ဒီး, ပှၤတဂၤဂ့ၤတဂၤဂ့ၤမ့ၢ်အီၣ်ကိၣ်အဝဲန့ၣ်န့ၣ်, မ့ၢ်တၢ်လၢအထီဒါပတၢ်သိၣ်တၢ်သီလီၤ.

လံာ်လူၤကၣ် 6:4 Iomraidhean Croise

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

လံာ်လူၤကၣ် 6:5

ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤကညီဖိခွါအံၤမ့ၢ်ဝဲပှၤယူဒၤဖိအမုၢ်အိၣ်ဘှံးနံၤအကစၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 21:6

မၤသးဒ်န့ၣ်ဒီး, ပှၤလုၢ်တၢ်အခိၣ်ဟ့ၣ်လီၤစီၤဒၤဝံးလၢကိၣ်စီဆှံလီၤ. အဂ့ၢ်ဒ်အံၤ, ကိၣ်လၢအအိၣ်ဒီးအီၤန့ၣ် မ့ၢ်ဒၣ်ထဲကိၣ်လၢဘၣ်တၢ်လုၢ်ထီၣ်အီၤဆူကစၢ်ယွၤအအိၣ်, လၢအဘၣ်တၢ်သုးကွံာ်လံအီၤလၢစီၢ်နီၤခိၣ်စီဆှံအလိၤဒီးလၢ အလီၢ်န့ၣ်ကိၣ်အသီဘၣ်တၢ်ပာ်ထီၣ်အီၤလံန့ၣ်လီၤ.