လံာ်လူၤကၣ် 6:38 - Sgaw Karen Common Bible

³⁸ ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

လံာ်လူၤကၣ် 6:38 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:36

တကြၢးလၢယဒိးန့ၢ်ဘၣ်တၢ်ဟ့ၣ်ဘျုးဒိၣ်ဒ်န့ၣ်အသိးတမံၤဘၣ်. လၢတၢ်န့ၣ်အဃိယကလဲၤဃုာ်တၢ်ဒီးနၤထဲ တစဲးဖိဧိၤပျံကွံာ်ထံကျိယၢ်ဒ့ၣ်အဘးခီန့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်စီၤယိၤဘး 42:11

စီၤယိၤဘးအဒီပုၢ်ဝဲၢ်ခွါဒီးဒီပုၢ်ဝဲၢ်မုၢ်ခဲလၢာ်, ဒီးအတံၤသကိးလၢထံးလၢမကိာ်ခဲလၢာ်န့ၣ်ဟဲဆူအအိၣ်ဒီးအီၣ် တၢ်လၢအဟံၣ်ပူၤလီၤ. အဝဲသ့ၣ်ပာ်ဖျါထီၣ်အတၢ်သးတမုာ် ဒီးမၤမုာ်အီၤလၢကယဲၢ်တၢ်ကိၢ်တၢ်ဂီၤလၢယွၤဟဲစိာ်န့ၢ်လၢ အဖီခိၣ်န့ၣ်လီၤ. အဝဲသ့ၣ်ကိးဂၤဒဲးဟ့ၣ်အီၤလၢစ့တနီၤဒီး ပသံးထူတဘိစုာ်စုာ်န့ၣ်လီၤ.

စံးထီၣ်ပတြၢၤ 79:12

ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်မးသဲ 10:42

နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်မၢ်ကူး 4:24

အဝဲဒၣ်စံးဘၣ်စ့ၢ်ကီးအဝဲသ့ၣ်, “တၢ်လၢသုနၢ်ဟူဘၣ်အံၤန့ၣ်ကနၣ်အီၤထံထံဆးဆးတက့ၢ်. သုအိၣ်ဒီးနီၣ်ထိၣ်တဖၣ်လၢသုကစံၣ်ညီၣ်ပှၤဂၤတဖၣ်အဂီၢ်လီၤ. ကစၢ်ယွၤကစံၣ်ညီၣ်သုဒ်သုနီၣ်ထိၣ်န့ၣ်အသိးဒီးကဆူၣ်န့ၢ်ဒံး အဝဲန့ၣ်တက့ၢ်လီၤ.

လံာ်လူၤကၣ် 6:30

ပှၤကိးဂၤဒဲးလၢအဃ့နတၢ်တမံၤမံၤန့ၣ်, ဟ့ၣ်အီၤတက့ၢ်. ဒီးဖဲပှၤတဂၤဟံးန့ၢ်တၢ်တမံၤမံၤလၢအမ့ၢ်နတၢ်န့ၣ်, တဘၣ်ဃ့က့ၤအီၤတဂ့ၤ.

လံာ်သိၣ်လီၤသီလီၤတၢ် 15:10

ဟ့ၣ်အီၤတၢ်လၢတၢ်သဘျ့ဒီးလၢတၢ်တအဲၣ်လီၤသးအပူၤ, ဒီးယွၤကဆိၣ်ဂ့ၤသုလၢကယဲၢ်တၢ်လၢသုမၤအီၤခဲလၢာ်အပူၤန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.