လံာ်လူၤကၣ် 6:35 - Sgaw Karen Common Bible

³⁵ တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

လံာ်လူၤကၣ် 6:35 Iomraidhean Croise

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

စံးထီၣ်ပတြၢၤ 145:9

ယွၤန့ၣ်ဂ့ၤဝဲလၢပှၤခဲလၢာ်အဂီၢ်, ဒီးအတၢ်သးကညီၤန့ၣ်အိၣ်ဝဲလၢကယဲၢ်တၢ်လၢ အတ့လီၤဝဲခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 37:26

ထီဘိအဝဲဟ့ၣ်ကလီတၢ်လၢတၢ်သးကညီၤအပူၤ ဒီးဒုးလိၢ်တၢ်, ဒီးအဖိအလံၤတဖၣ်ကဘၣ်တၢ်ဆိၣ်ဂ့ၤအီၤလီၤ.

စံးထီၣ်ပတြၢၤ 58:11

ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

လံာ်မးသဲ 5:9

ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်လူၤကၣ် 1:32

အဝဲဒၣ်ကမ့ၢ်ပှၤအဒိၣ်ကစၢ်ယွၤတဂၤဒီးကဘၣ်တၢ်ကိးအီၤလၢ ယွၤလၢအမ့ၢ်တၢ်ထီကတၢၢ်တဂၤအဖိခွါလီၤ. ယွၤကစၢ်ယွၤကဒုးကဲအီၤလၢစီၤပၤဒ်ပှၤလၢအဝဲဒၣ်ဟဲလီၤစၢၤ ဝဲလၢအီၤ, စီၤဒၤဝံးတဂၤအသိး

လံာ်လူၤကၣ် 6:36

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

လံာ်ယိၤဟၣ် 13:35

သုမ့ၢ်အဲၣ်လိာ်ကွံလိာ်သုသးတဂၤဒီးတဂၤန့ၣ်ဒီး, ပှၤကိးဂၤဒဲးကသ့ၣ်ညါလၢသုမ့ၢ်ယပျဲၢ်ယဘီၣ်တဖၣ်လီၤ.”

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.