လံာ်လူၤကၣ် 6:30 - Sgaw Karen Common Bible

³⁰ ပှၤကိးဂၤဒဲးလၢအဃ့နတၢ်တမံၤမံၤန့ၣ်, ဟ့ၣ်အီၤတက့ၢ်. ဒီးဖဲပှၤတဂၤဟံးန့ၢ်တၢ်တမံၤမံၤလၢအမ့ၢ်နတၢ်န့ၣ်, တဘၣ်ဃ့က့ၤအီၤတဂ့ၤ.

လံာ်လူၤကၣ် 6:30 Iomraidhean Croise

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 21:26

ကယဲၢ်တၢ်လၢအမၤဝဲခဲလၢာ်န့ၣ်, မ့ၢ်တၢ်ဆိကမိၣ်ထီၣ်တၢ်လၢအဝဲသးအိၣ်မၤန့ၢ်ဝဲတဖၣ်န့ၣ်လီၤ. မ့မ့ၢ်ပှၤအတီအလိၤတဂၤန့ၣ်, ဟ့ၣ်တၢ်သ့, ဒီးကဟ့ၣ်ဝဲလၢတၢ်သူၣ်အိၣ်သးအိၣ်အပူၤန့ၣ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

လံာ်ပှၤစံၣ်တဲၤတဲလီၤတၢ် 11:2

ဟ့ၣ်နီၤဖးတၢ်လၢကျဲနွံဘိမ့တမ့ၢ်ဃိးဘိအပူၤဒၣ်လဲာ်တ က့ၢ်. အဂ့ၢ်ဒ်အံၤ, တၢ်အၢမနုၤအကမၤအသးလၢဟီၣ်ခိၣ်ချၢလဲၣ်န့ၣ်နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 8:16

ဖဲယကျဲးစၢးကဲထီၣ်ပှၤကူၣ်သ့ဒီးမၤလိတၢ်လၢအမၤသးလၢဟီၣ် ခိၣ်အံၤတဘျီလၢ်လၢ်န့ၣ်ယသ့ၣ်ညါလီၤတံၢ်လၢ, မုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤနကအိၣ်ဖုသံနီၣ်တထံၣ်ဃီ,

လံာ်မးသဲ 18:35

လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

လံာ်မးသဲ 5:39

ဘၣ်ဆၣ်ဒီးအခဲအံၤယစံးဘၣ်သု, လၢသုသုတမၤကၣ်ပှၤလၢအမၤအၢသုတဂၤတဂ့ၤ. ပှၤတဂၤဂၤမ့ၢ်ဒဲနမဲာ်လၢအထွဲတခီဒီးဃၣ်န့ၢ်အီၤလၢအစ့ၣ် တခီစ့ၢ်ကီးတက့ၢ်.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်လူၤကၣ် 11:41

မ့မ့ၢ်, ဟ့ၣ်ပှၤဖှီၣ်ဖိယာ်ဖိတဖၣ်တၢ်အိၣ်လၢသုလီခီတဖၣ်အပူၤန့ၣ် တက့ၢ်. ဒီးတၢ်ခဲလၢာ်ခဲဆ့ကကဆှီဝဲလၢသုဂီၢ်လီၤ.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 18:22

ဖဲယ့ၣ်ၡူးနၢ်ဟူတၢ်ကတိၤအဝဲအံၤန့ၣ်, အဝဲဒၣ်စံးဘၣ်အီၤ, “တၢ်လၢအလိၣ်ဒီးနၤအိၣ်ဒံးဝဲတမံၤလီၤ. ဆါကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်နီၤလီၤပှၤဖှီၣ်ဖိယာ်ဖိတက့ၢ်. ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤအလီၢ်ခံ, ဟဲဒီးကဲထီၣ်ယပျဲၢ်ယဘီၣ်တက့ၢ်.”

လံာ်လူၤကၣ် 6:29

ပှၤတဂၤဂၤမ့ၢ်ဒဲနဘိးပၤတခီန့ၣ်, ပျဲအဒဲနဘိးပၤအဂၤတခီစ့ၢ်ကီးတက့ၢ်. ပှၤတဂၤမ့ၢ်ဟံးန့ၢ်နဆ့ကၤဖီခိၣ်န့ၣ်, ပျဲအဟံးန့ၢ်နဆ့ကၤစ့ၢ်ကီးတက့ၢ်.

လံာ်လူၤကၣ် 6:31

တၢ်တမံၤဃီလၢသုဆၢလၢပှၤဂၤကမၤဝဲလၢသုဂီၢ်န့ၣ်, မၤအီၤလၢအဂီၢ်တက့ၢ်.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.