လံာ်လူၤကၣ် 6:29 - Sgaw Karen Common Bible

²⁹ ပှၤတဂၤဂၤမ့ၢ်ဒဲနဘိးပၤတခီန့ၣ်, ပျဲအဒဲနဘိးပၤအဂၤတခီစ့ၢ်ကီးတက့ၢ်. ပှၤတဂၤမ့ၢ်ဟံးန့ၢ်နဆ့ကၤဖီခိၣ်န့ၣ်, ပျဲအဟံးန့ၢ်နဆ့ကၤစ့ၢ်ကီးတက့ၢ်.

လံာ်လူၤကၣ် 6:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:30

စီၤမဖံဘိၤၡ့းစံးဆၢဝဲဒၣ်, “ပျဲစီၤစံဘၤဟံးန့ၢ်တၢ်န့ၣ်ခဲလၢာ်တက့ၢ်. လၢယဂီၢ်န့ၣ်နဲဒၣ်တၢ်ဒိၣ်ကစၢ်စီၤပၤဟဲက့ၤတုၤ ပူၤပူၤဖျဲးဖျဲးန့ၣ်လၢပှဲၤဝဲဒၣ်လံ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:23

အန့ၣ်ဒီးဝံစံးဒကံယၤလဲၤဃီၤဆူစီၤမံၤကါယၤအအိၣ်, ဒဲဝဲအမဲာ်, ဒီးသံကွၢ်ဝဲ, “ယွၤအသးဟးဖးဒီးယၤဒီးကတိၤတၢ်ဒီးနၤ, စးထီၣ်အခါဖဲလဲၣ်.”

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်သးသယုၢ်တၢ် 3:30

ပမ့ၢ်ဘၣ်တၢ်တီၢ်ဒီးတၢ်ကတိၤတရီတပါပှၤဘၣ်ဆၣ်ပကြၢးတူၢ်လိာ် အီၤခဲလၢာ်လီၤ.

လံာ်မံကၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ပာ်ဖှိၣ်ထီၣ်သုသုးမုၢ်သံၣ်ဘိတဖၣ်တက့ၢ်. ဒုၣ်ဒါကဝီၤန့ၢ်ပှၤလံ. အဝဲသ့ၣ်တီၢ်လံကီၢ်အံၣ်စရ့လးအပဒိၣ်တဂၤအဘိးပၤလၢနီၢ်တီၢ်လံ.”

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်လူၤကၣ် 22:64

အဝဲသ့ၣ်ဘိၣ်ဘၢဃာ်ဝဲအမဲာ်ဒီးသံကွၢ်အီၤ, “မတၤတီၢ်နၤလဲၣ်. တယာ်ဒီးတဲတက့ၢ်.”

လံာ်လူၤကၣ် 6:30

ပှၤကိးဂၤဒဲးလၢအဃ့နတၢ်တမံၤမံၤန့ၣ်, ဟ့ၣ်အီၤတက့ၢ်. ဒီးဖဲပှၤတဂၤဟံးန့ၢ်တၢ်တမံၤမံၤလၢအမ့ၢ်နတၢ်န့ၣ်, တဘၣ်ဃ့က့ၤအီၤတဂ့ၤ.

လံာ်ယိၤဟၣ် 18:22

တုၤယ့ၣ်ၡူးစံးတၢ်ဒ်အံၤဒီး, ပှၤပၢၤတၢ်လုၢ်ဟံၣ်အကျါတဂၤဒဲယ့ၣ်ၡူးအမဲာ်ဒီးစံးဝဲ, “ဘၣ်မနုၤအဃိနကတိၤဆၢပှၤလုၢ်တၢ်အခိၣ်အဒိၣ် ကတၢၢ်ဒ်အံၤန့ၣ်လဲၣ်.”

မၤတၢ် 23:2

ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဟ့ၣ်လီၤအကလုၢ် လၢပှၤအိၣ်ဆၢထၢၣ်ဘူးဒီးစီၤပီလူးတဖၣ်ကတီၢ်အကိာ် ပူၤလီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

1 ကရံၣ်သူး 6:7

တၢ်ဂ့ၢ်တမံၤဃီအဝဲအံၤ, လၢသုအိၣ်ဒီးတၢ်လိာ်ဘၢလိာ်ကွီၢ်လၢသုဝဲကဒဲကဒဲအကျါန့ၣ်, ပာ်ဖျါထီၣ်လၢသုလီၤတိၢ်တ့ၢ်လံသုဝဲလၢာ်လၢာ်ဆ့ဆ့လံန့ၣ်လီၤ. သုမ့ၢ်ဘၣ်တၢ်မၤကမၣ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ. သုမ့ၢ်ဘၣ်တၢ်တမျာ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ.

၂ ကရံၣ်သူး 11:20

သုဝံသးစူၤပှၤတဂၤဂၤလၢအမၢထီၣ်မၢလီၤသုဆူအံၤ ဆူဘး, မ့တမ့ၢ်ဟံးန့ၢ်တၢ်အခွဲးအယာ်လၢသုဖီခိၣ်, မ့တမ့ၢ်ဃုဖီၣ်န့ၢ်သု, မ့တမ့ၢ်ကွၢ်တလီၤသု, မ့တမ့ၢ်ဒဲသုမဲာ်န့ၣ်လီၤ.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.