လံာ်လူၤကၣ် 6:25 - Sgaw Karen Common Bible

²⁵ “သုဝဲလၢအအီၣ်ကုးအီပှဲၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသၣ်ဝံၤလီၤဒိလီၤ. “သုဝဲလၢအနံၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသူၣ်အုးသးအုးဒီး သုကဟီၣ်ကယၢၤလီၤ.

လံာ်လူၤကၣ် 6:25 Iomraidhean Croise

စံးထီၣ်ပတြၢၤ 49:19

ကပာ်ဖှိၣ်အသးဒီးအမိၢ်ပၢ်ဖံဖုလၢပျၢၤ တဖၣ်လၢတၢ်သံအပူၤ ဖဲတၢ်ခံးတၢ်နၤအိၣ်ဝဲထီဘိအလီၢ်န့ၣ်လီၤ.

တၢ်ကတိၤဒိ. 14:13

တၢ်နံၤတၢ်အ့ပာ်ခူသူၣ်တၢ်သူၣ်အုးသးအုးလီၤ. ဒီးဖဲတၢ်သူၣ်ခုသးခုလၢာ်ကွံာ်န့ၣ်, တၢ်သူၣ်အုးသးအုးအိၣ် ဖဲန့ၣ်ထီဘိလီၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:2

ယထံၣ်တ့ၢ်လၢတၢ်နံၤတၢ်အ့မ့ၢ်တၢ်မၢးဒီးတၢ်မုာ်လၤတမၤဂ့ၤနၤ နီတမံၤဘၣ်.

လံာ်ပှၤစံၣ်တဲၤတဲလီၤတၢ် 7:3

တၢ်သူၣ်အုးသးအုးန့ၣ်ဂ့ၤန့ၢ်ဒံးတၢ်နံၤတၢ်အ့တက့ၢ်လီၤ. ကမၤလီၤသပှၢ်နမဲာ်, ဘၣ်ဆၣ်ကမၤဂ့ၤထီၣ်နတၢ်သ့ၣ်ညါနၢ်ပၢၢ်လီၤ.

လံာ်ပှၤစံၣ်တဲၤတဲလီၤတၢ် 7:6

ဖဲပှၤဟးဂီၤဖိတဂၤနံၤဝဲန့ၣ်, တၢ်န့ၣ်လီၤဂာ်ဒ်တၢ်ဆှုၣ်တဖၣ် သီၣ်ကြဲးသီၣ်ကြီးလၢမ့ၣ်အူပူၤအသိးလီၤ. အခီပညီတအိၣ်နီတမံၤဘၣ်.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယၡါယၤ 8:21

ပှၤဂီၢ်မုၢ်ကဟးဝ့ၤဝီၤလၢထံကီၢ်အပူၤအိၣ်ဒီးတၢ်သးဟးဂီၤဒီး တၢ်သူၣ်ဝံၤသၣ်စ့ၤလီၤ. လၢအတၢ်သးထီၣ်ဒီးအတၢ်သၣ်ဝံၤ သၣ်စ့ၤအပူၤန့ၣ်, အဝဲသ့ၣ်ကဆိၣ်အၢအစီၤပၤဒီးအကစၢ်ယွၤလီၤ. အဝဲသ့ၣ်ကကွၢ်ထီၣ်တၢ်ဆူမူခိၣ်,

လံာ်ယၡါယၤ 9:20

လၢတၢ်လီၢ်ကိးပူၤဒဲးလၢထံကီၢ်အပူၤန့ၣ်, ပှၤဂုာ်န့ၢ်ထဲးန့ၢ်ဒီးအီၣ်တၢ်အီၣ်တစဲးဂ့ၤတမှဲးဂ့ၤလၢအထံၣ်န့ၢ်ဝဲသ့, ဘၣ်ဆၣ်ဒီးတၢ်သၣ်ဝံၤအသးတတုာ်နီတစုဘၣ်. အဝဲသ့ၣ်အီၣ်က့ၤဒၣ်လဲာ်အဖိတဖၣ်န့ၣ်လီၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်လူၤကၣ် 6:24

“မ့မ့ၢ်သုဝဲလၢအထူးအတီၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုအိၣ်မူဘၣ်တ့ၢ်လံသုတၢ်အိၣ်မူ အဘီၣ်အညီလံ.

လံာ်လူၤကၣ် 6:26

“တုၤပှၤကိးဂၤဒဲးကတိၤဂ့ၤသုန့ၣ်, သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, အဝဲသ့ၣ်အပၢ်တဖၣ်စံးဘၣ်တ့ၢ်ဝံအဘျၣ်တဖၣ် လၢတၢ်တမံၤဃီန့ၣ်လီၤ.

လံာ်လူၤကၣ် 8:53

အဝဲသ့ၣ်နံၤဘၣ်ဖၣ်လဲအီၤ, အဂ့ၢ်မ့ၢ်လၢအဝဲသ့ၣ်သ့ၣ်ညါလၢပိာ်မုၣ်ဖိသၣ်န့ၣ်သံဝဲအဃိလီၤ.

အ့းဖ့းစူး 5:4

တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

ယၤကိာ် 4:9

မ်သုသူၣ်အုးသးအုးအိၣ်ဒီးတၢ်ဟီၣ်တၢ်ယၢၤတက့ၢ်. လဲလိာ်က့ၤသုတၢ်နံၤတၢ်အ့ဆူတၢ်ဟီၣ်တၢ်ယၢၤ, သုတၢ်သးခုဆူတၢ်သးအုးတက့ၢ်.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:5

ပှၤဂီၢ်မုၢ်လၢတဘျီအီၣ်ကုးအီပှဲၤန့ၣ်, ခဲအံၤလဲၤထီၣ်ဒိးလဲအသးလၢကန့ၢ်ဘၣ်တၢ်အီၣ်အဂီၢ်လီၤ. မ့မ့ၢ်ပှၤလၢတၢ်သၣ်ဝံၤအသးတဖၣ်န့ၣ်, တသၣ်ဝံၤလၢၤနီတစု လၢၤဘၣ်. မါလၢအဖိတအိၣ်တဖၣ်န့ၣ်ဆံးစၢ်ထီၣ်အဖိနွံဂၤလီၤ. မ့မ့ၢ်မိၢ်လၢအဖိအိၣ်အါဂၤန့ၣ်အဖိတအိၣ်လၢၤနီတဂၤဂၤဘၣ်.