လံာ်လူၤကၣ် 6:20 - Sgaw Karen Common Bible

²⁰ ယ့ၣ်ၡူးကွၢ်ဃီၤအပျဲၢ်အဘီၣ်တဖၣ်ဒီးစံးဝဲ, “သုဝဲပှၤဖှီၣ်ဖိယာ်ဖိတဖၣ်အံၤ သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤအဘီအမုၢ်မ့ၢ်သုတၢ်လီၤ.

လံာ်လူၤကၣ် 6:20 Iomraidhean Croise

စံးထီၣ်ပတြၢၤ 37:16

တၢ်တစဲးဖိလၢအအိၣ်ဝဲဒီးပှၤအဂ့ၤအဝါန့ၣ်, ဂ့ၤန့ၢ်ဒံးပှၤအၢပှၤသီအတၢ်အိၣ်လၢအိၣ်ပှဲၤ တက့ၢ်န့ၣ်လီၤ.

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 19:1

တၢ်မ့ၢ်ပှၤဖှီၣ်ဖိတဂၤလၢအတီအလိၤန့ၣ်, ဂ့ၤဒိၣ်န့ၢ်ဒံးတၢ်မ့ၢ်ပှၤဟးဂီၤဖိတဂၤလၢအလီတၢ်န့ၣ်လီၤ.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်စဖါနယၤ 3:12

ဒီးဖဲန့ၣ်ယကပာ်တီၢ်တ့ၢ်ပှၤလၢအသးစူၤဒီးဆီၣ်လီၤအသးလၢ အကဟဲဆူယအိၣ်လၢတၢ်မၤစၢၤအဂီၢ်န့ၣ်လီၤ.

လံာ်စကၤရယၤ 11:11

လၢတၢ်န့ၣ်အဃိတၢ်အၢၣ်လီၤအီလီၤဘၣ်တၢ်တြူာ်ကွံာ်အီၤဖဲမုၢ် တနံၤန့ၣ်လီၤ. ဒီးပှၤလၢအပှ့ၤဒီးဆါသိတဖၣ်န့ၣ်ကွၢ်ယၤ, ဒီးအဝဲသ့ၣ်သ့ၣ်ညါဝဲလၢယွၤကတိၤတၢ်ခီဖျိတၢ်လၢယမၤတ့ၢ်န့ၣ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 5:1

ယ့ၣ်ၡူးထံၣ်ပှၤဂီၢ်မုၢ်တဖၣ်သတးဒီး လဲၤထီၣ်ဝဲဆူတၢ်လူၢ်ဒီခိၣ်ဒီးဆ့ၣ်နီၤဝဲလီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်လူၤကၣ် 14:15

ဖဲပှၤလၢအဆ့ၣ်နီၤဖဲစီၢ်နီၤခိၣ်အကျါတဂၤနၢ်ဟူတၢ်ကတိၤ အဝဲအံၤန့ၣ်, အဝဲဒၣ်စံးဘၣ်ယ့ၣ်ၡူး, “ပှၤလၢအကဆ့ၣ်နီၤအီၣ်တၢ် ဖဲစီၢ်နီၤခိၣ်လၢကစၢ်ယွၤအဘီအမုၢ်အပူၤတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်.”

လံာ်လူၤကၣ် 16:25

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘ယဖိခွါဧၢ, သ့ၣ်နီၣ်ထီၣ်တက့ၢ်. လၢနတၢ်အိၣ်မူအဆၢကတီၢ်န့ၣ်, နဘၣ်တၢ်ဟ့ၣ်နၤလၢကယဲၢ်တၢ် အဂ့ၤတဖၣ်, မ့မ့ၢ်စီၤလါစရူးတခီဒိးန့ၢ်ဘၣ်ကယဲၢ်မ့ၢ်တၢ်အအၢ တဖၣ်လီၤ. ဘၣ်ဆၣ်ဒီးခဲကနံၣ်အံၤ, အဝဲအနီၢ်ကစၢ်ဒၣ်ဝဲအိၣ်မုာ်အိၣ်ပၢၤဖဲတၢ်လီၢ်တပူၤအံၤ, မ့မ့ၢ်နၤတခီနအိၣ်လၢတၢ်ဘၣ်တူၢ်တၢ်အပူၤလီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၂ ကရံၣ်သူး 8:2

အဝဲသ့ၣ်ဒိးဘၣ်တၢ်မၤကွၢ်အီၤဆူၣ်ဆူၣ်ကိၤကိၤခီဖျိတၢ် ကီတၢ်ခဲလၢအဘၣ်လဲၤခီဖျိဝဲသ့ၣ်တဖၣ်လီၤ. ဘၣ်ဆၣ်ဒီးအဝဲသ့ၣ်အတၢ်သးခုဒိၣ်ဝဲအါဝဲတုၤဒၣ်လဲာ် ဖှီၣ်ဝဲယာ်ဝဲဒိၣ်မးသနာ်က့ဟ့ၣ်မးတၢ်အါအါဂီၢ်ဂီၢ်လၢတၢ် သူၣ်အိၣ်သးအိၣ်အပူၤလီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

၂ သ့းစၤလနံ 1:5

တၢ်သ့ၣ်တဖၣ်အံၤခဲလၢာ်အုၣ်အသးလၢကစၢ်ယွၤ အတၢ်စံၣ်ညီၣ်တီဝဲလိၤဝဲ, ဒီးလၢတၢ်န့ၣ်အဃိသုကကြၢးကဘၣ်ဒီးကစၢ်ယွၤအဘီ အမုၢ်လၢသုတူၢ်ဘၣ်တၢ်လၢအဃိန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.