လံာ်လူၤကၣ် 6:19 - Sgaw Karen Common Bible

¹⁹ ပှၤကိးဒံကိးဂၤဒဲးဂုာ်ကျဲးစၢးထိးဘၣ်အီၤ, မ့ၢ်လၢတၢ်စိတၢ်ကမီၤဟဲထီၣ်လၢအဝဲဒၣ်အလိၤ, ဒီးမၤဘျါက့ၤအဝဲသ့ၣ်ကိးဂၤဒဲးအဃိန့ၣ်လီၤ.

လံာ်လူၤကၣ် 6:19 Iomraidhean Croise

လံာ်စီၤပၤခံဘ့ၣ်တဘ့ၣ် 13:21

တဘျီဖဲပှၤလဲၤခူၣ်လီၤပှၤသံအခါန့ၣ်, တၢ်ထံၣ်ဘၣ်ပှၤတဖၣ်န့ၣ် အကျါပှၤတဖု, ဒီးပှၤဂီၢ်မုၢ်တ့ၢ်လီၤကွံာ်ပှၤအစိၣ်န့ၣ်, ဆူအလံၤၡါအတၢ်သွၣ်ခိၣ်အပူၤဒီးထွးထီၣ်ဃ့ၢ်ကွံာ်ဝဲန့ၣ်လီၤ. တစုဃီဖဲပှၤအစိၣ်ဘၣ်ဒိဒီးစီၤအလံၤၡါအဃံန့ၣ်ပှၤတဂၤန့ၣ် မူထီၣ်က့ၤဝဲဒီးဆၢထၢၣ်ဝဲဒၣ်န့ၣ်လီၤ.

လံာ်မးသဲ 14:36

ဒီးဃ့ကညးအီၤဒ်သိးအကထိးဘၣ်အစှၤကတၢၢ်ထဲအဆ့ဖးထီ အနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မၢ်ကူး 3:10

အဝဲဒၣ်မၤဘျါက့ၤတ့ၢ်လံပှၤဆူးပှၤဆါအါဒံအါဂၤသတးဒီး, ကယဲၢ်ပှၤအိၣ်ဒီးတၢ်ဆူးတၢ်ဆါတမံၤလၢ်လၢ်တဖၣ်န့ၣ်ဟဲဆီၣ် သနံးလိာ်အသးဆူအအိၣ်ဒ်သိးကထိးဘၣ်အီၤအဂီၢ်န့ၣ်လီၤ.

လံာ်မၢ်ကူး 5:30

တဘျီဃီဖဲန့ၣ်ယ့ၣ်ၡူးသ့ၣ်ညါလၢတၢ်စိတၢ်ကမီၤဟးထီၣ်ကွံာ် လၢအပူၤသတးဒီးဃၣ်ကဒါက့ၤအသးဆူပှၤဂီၢ်မုၢ်အအိၣ် ဒီးသံကွၢ်ဝဲ, “မ့ၢ်မတၤတဂၤထိးဘၣ်ယဆ့ကၤလဲၣ်.”

လံာ်မၢ်ကူး 6:56

ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မၢ်ကူး 8:22

ယ့ၣ်ၡူးဒီးအပျဲၢ်အဘီၣ်တဖၣ်လဲၤတုၤဝဲလၢသဝီဘ့ၤသစဲဒၤ ဒီးပှၤတနီၤဟဲစိာ်ပှၤမဲာ်ဘျီၣ်တဂၤဆူယ့ၣ်ၡူးအအိၣ်ဒီးဃ့ ကညးအီၤလၢအကထိးဘၣ်ပှၤတဂၤအံၤလၢအစုန့ၣ်လီၤ.

လံာ်လူၤကၣ် 5:17

ဘၣ်တနံၤဖဲယ့ၣ်ၡူးသိၣ်လီၤသီလီၤတၢ်အဆၢကတီၢ်န့ၣ်, ပှၤဖၤရံၤၡဲတဖၣ်ဒီးပှၤသိၣ်လိတၢ်သိၣ်တၢ်သီတဖၣ်ဆ့ၣ်နီၤအိၣ်ဖဲ န့ၣ်လီၤ. အဝဲသ့ၣ်ဟဲလၢကယဲၢ်ဝ့ၢ်အိၣ်ဖဲကီၢ်ကၤလံၤလါ ဒီးကီၢ်ယူဒၤဒီးလၢဝ့ၢ်ယရူၤၡလ့ၣ်လီၤ. ကစၢ်အစိကမီၤအိၣ်ဝဲဒီး ယ့ၣ်ၡူးလၢအကမၤဘျါပှၤဆူးပှၤဆါတဖၣ်အဂီၢ်လီၤ.

လံာ်လူၤကၣ် 6:18

အဝဲသ့ၣ်ဟဲဝဲဒ်သိးအကနၢ်ဟူဘၣ်အတၢ်ကတိၤဒီးဒ်သိး အတၢ်ဆူးတၢ်ဆါတဖၣ်ကဘၣ်တၢ်မၤဘျါအီၤအဂီၢ်န့ၣ်လီၤ. ပှၤလၢအဘၣ်တၢ်မၤတံာ်တာ်အီၤလၢတၢ်ဝံတၢ်နါတဖၣ်ဟဲ စ့ၢ်ကီးဝဲဒီးဘၣ်တၢ်မၤဘျါက့ၤအီၤလီၤ.

မၤတၢ် 19:12

တၢ်စှၢၤဖိဒီးတၢ်ယီၢ်တကိးလၢအဝဲဒၣ်သူတ့ၢ်ဝဲတဖၣ်ဒၣ်လဲာ်, ဘၣ်တၢ်လဲၤစိာ်အီၤဆူပှၤဆါအအိၣ်, ဒီးဖဲန့ၣ်တၢ်ဆူးတၢ်ဆါတဖၣ်ဘျါက့ၤဝဲဒီးတၢ်ဝံတၢ်နါတဖၣ် ဟးထီၣ်ကွံာ်လၢအဝဲသ့ၣ်အပူၤလီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.