လံာ်လူၤကၣ် 6:16 - Sgaw Karen Common Bible

¹⁶ စီၤယၤကိာ်အဖိခွါစီၤယူဒၤ, ဒီးစီၤယူဒၤအံၣ်စကၤရံၤအိာ် လၢအကဲထီၣ်ပှၤဆါလီၤကွံာ်ယ့ၣ်ၡူးတဂၤန့ၣ်လီၤ.

လံာ်လူၤကၣ် 6:16 Iomraidhean Croise

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မၢ်ကူး 3:18

စီၤအၣ်ဒရ့း, စီၤဖံလံးပူး, စီၤဘၢ်သလီးမဲ, စီၤမးသဲ, စီၤသိၤမါ, စီၤအၤလဖဲအဖိခွါစီၤယၤကိာ်, စီၤသးဒဲ, ပှၤအဲၣ်အထံအကီၢ်စီၤၡံမိၣ်,

လံာ်လူၤကၣ် 6:15

စီၤမးသဲဒီးစီၤသိၤမါ, စီၤအၤလဖဲအဖိခွါစီၤယၤကိာ်, ဒီးစီၤၡံမိၣ် (လၢအဘၣ်တၢ်ကိးအီၤလၢပှၤစ့ၤလိၣ်ဖိ, ပှၤအဲၣ်အထံအကီၢ်),

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်ယိၤဟၣ် 14:22

စီၤယူဒၤ (လၢအတမ့ၢ်စီၤယူဒၤအံၣ်စကၤရံၤအိာ်တဂၤ) စံးဝဲဒၣ်, “ကစၢ်ဧၢ, နကဒုးနဲၣ်နသးလၢပဝဲဒၣ်တဖၣ်အံၤဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်, မၤအသးကသ့ဒ်လဲၣ်.”

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,