လံာ်လူၤကၣ် 6:12 - Sgaw Karen Common Bible

¹² ဖဲအဆၢကတီၢ်အဝဲန့ၣ်, ယ့ၣ်ၡူးလဲၤထီၣ်ဆူတၢ်လူၢ်တလူၢ်အလိၤဒ်သိး အကဃ့ဘါထုကဖၣ်တၢ်အဂီၢ်ဒီးဃ့ထုကဖၣ်တၢ်လၢ ယွၤဒီနၤညါန့ၣ်လီၤ.

လံာ်လူၤကၣ် 6:12 Iomraidhean Croise

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

လံာ်ယၡါယၤ 26:9

လၢမုၢ်နၤန့ၣ်, ယသးဆၢန့ၢ်နၤလၢယသးဒီဖျၢၣ်ညါလီၤ. ဖဲနစံၣ်ညီၣ်ဟီၣ်ခိၣ်ဒီးအပှၤဂီၢ်မုၢ်န့ၣ်, အဝဲသ့ၣ်ခဲလၢာ်ကမၤလိန့ၢ်တၢ်စံၣ်ညီၣ်တီမ့ၢ်တၢ်မနုၤလဲၣ်န့ၣ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်မးသဲ 5:1

ယ့ၣ်ၡူးထံၣ်ပှၤဂီၢ်မုၢ်တဖၣ်သတးဒီး လဲၤထီၣ်ဝဲဆူတၢ်လူၢ်ဒီခိၣ်ဒီးဆ့ၣ်နီၤဝဲလီၤ.

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်မၢ်ကူး 1:35

လၢခံတဂီၤ, ဂီၤဂီၤကလဲာ်တချုးမုၢ်ဆ့ၣ်ထီၣ်န့ၣ်, ယ့ၣ်ၡူးဂဲၤဆၢထၢၣ်ဒီးဟးထီၣ်လၢဟံၣ်ပူၤဒီးလဲၤဝဲဆူတၢ် လီၢ်လၢပှၤတအိၣ်ဝဲနီတဂၤဘၣ်ဒီးဖဲန့ၣ်ဘါထုကဖၣ်တၢ်လီၤ.

လံာ်မၢ်ကူး 3:13

အန့ၣ်ဝံၤအလီၢ်ခံ, ယ့ၣ်ၡူးလဲၤထီၣ်ဆူတၢ်လူၢ်ဒီခိၣ်ဒီးကိးဃီၤပှၤလၢ အဝဲဘၣ်အသးတဖၣ်, ဒီးအဝဲသ့ၣ်ဟဲဆူအအိၣ်လီၤ.

လံာ်မၢ်ကူး 6:46

အဝဲပျၢ်ကွံာ်ပှၤသ့ၣ်တဖၣ်န့ၣ်မုာ်မုာ်ဝံၤအလီၢ်ခံ, လဲၤထီၣ်ဝဲဆူကစၢၢ်ဒီခိၣ် လၢကဃ့ထုကဖၣ်ယွၤအဂီၢ်လီၤ.

လံာ်လူၤကၣ် 5:16

ဘၣ်ဆၣ်, အဝဲလဲၤဆူပှၢ်မုၢ်ကနၢဒီးဖဲန့ၣ်, အဝဲဒၣ်ဃ့ဘါထုကဖၣ်တၢ်လီၤ.

လံာ်လူၤကၣ် 6:11

ဘၣ်ဆၣ်ဒီးအဝဲသ့ၣ်ပှဲၤဒီးတၢ်သူၣ်ဒိၣ်သးဖျိးဒီးကူၣ်ထီၣ်ဖးလီၤ သကိးဘၣ်ဃးအဝဲသ့ၣ်ကမၤယ့ၣ်ၡူးဒ်လဲၣ်အဂ့ၢ်န့ၣ်လီၤ.

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်လူၤကၣ် 9:18

ဘၣ်တနံၤဖဲယ့ၣ်ၡူးဃ့ဘါထုကဖၣ်တၢ်ထဲတဂၤဧိၤအဆၢကတီၢ် န့ၣ်, အပျဲၢ်အဘီၣ်တဖၣ်ဟဲဆူအအိၣ်လီၤ. အဝဲဒၣ်သံကွၢ်အဝဲသ့ၣ်, “ပှၤဂီၢ်မုၢ်တဖၣ်စံးလၢယမ့ၢ်မတၤတဂၤလဲၣ်.”

လံာ်လူၤကၣ် 9:28

ယ့ၣ်ၡူးစံးကတိၤတၢ်သ့ၣ်တဖၣ်အံၤဝံၤအလီၢ်ခံကဘၣ်တနွံန့ၣ်, အဝဲဒၣ်ကိးစီၤပ့းတရူး, စီၤယိၤဟၣ်ဒီးစီၤယၤကိာ်သ့ၣ်တဖၣ် ဒီးလဲၤထီၣ်ဆူတၢ်လူၢ်တဖျၢၣ်အလိၤဒ်သိးအကဃ့ဘါထုကဖၣ် တၢ်လီၤ.

လံာ်လူၤကၣ် 9:29

ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, အမဲာ်သၣ်အက့ၢ်အဂီၤလဲလိာ်အသးဒီးအကူအသိးတဖၣ် ဝါထီၣ်ဒီးကပြုၢ်ကပြီၤမးလီၤ.

လံာ်ယိၤဟၣ် 6:3

ယ့ၣ်ၡူးလဲၤထီၣ်ဆူတၢ်လူၢ်ဒီခိၣ် ဒီးဆ့ၣ်နီၤသကိးဒီးအပျဲၢ်အဘီၣ်တဖၣ်န့ၣ်လီၤ.

ကလီးစဲ 4:2

ဘါထုကဖၣ်ယွၤသပှၢ်ပှၢ်ထီဘိတက့ၢ်. ပာ်သုသးစၢၢ်ဆၢပံၢ်ကလာ်လၢတၢ်ထုကဖၣ်အပူၤအိၣ်ဒီးတၢ်စံးဘျုးစံးဖှိၣ်ကစၢ်ယွၤ တက့ၢ်.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.