လံာ်လူၤကၣ် 6:1 - Sgaw Karen Common Bible

¹ ဘၣ်ဖဲပှၤယူဒၤဖိအမုၢ်အိၣ်ဘှံးနံၤတနံၤန့ၣ်, ယ့ၣ်ၡူးလဲၤတၢ်ဒီးခီဂာ်ဝဲစံာ်ပျီတဖၣ်လီၤ. အဝဲအပျဲၢ်အဘီၣ်တဖၣ်ဒဲးဘုအစဲၤတဖၣ်, လံာ်လူာ်ဝဲလၢအစုဒီးအီၣ်ဝဲလီၤ.

လံာ်လူၤကၣ် 6:1 Iomraidhean Croise

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:15

ဒီးလၢမုၢ်အိၣ်ဘှံးနံၤဝံၤအလီၢ်ခံတနံၤ, မုၢ်တနံၤလၢသုဟဲစိာ်ဘုသၣ်ဆိတကဒိၣ်ဝံၤ အလီၢ်ခံန့ၣ်သုဘၣ်ဂံၢ်နွံအိၣ်ဘှံးနံၤလၢလၢပှဲၤပှဲၤလၢသုဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 23:7

မုၢ်ခီၣ်ထံးတနံၤန့ၣ်သုဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါ အဂီၢ်ဒီးသုတဘၣ်မၤသုတၢ်မၤနီတမံၤဘၣ်.

လံာ်လူၤကၣ် 5:39

ဒီးပှၤအီစပံးထံအလီၢ်လံၤဝံၤဆၢဒိးန့ၢ်ဘၣ်စပံးထံအသီန့ၣ်, တအိၣ်နီတဂၤဘၣ်. အဝဲဒၣ်စံးဝဲ, ‘အလီၢ်လံၤန့ၣ်ဝံၣ်ဒိၣ်တက့ၢ်လီၤ.’ ”

လံာ်လူၤကၣ် 6:6

ဖဲပှၤယူဒၤဖိအမုၢ်အိၣ်ဘှံးနံၤအဂၤတနံၤန့ၣ်, ယ့ၣ်ၡူးလဲၤနုာ်ဆူဘူၣ်ဘျီၣ်လၢအမ့ၢ်တၢ်ဘါအလီၢ်ဒီးသိၣ် လီၤသီလီၤတၢ်လီၤ. ပှၤအိၣ်ဝဲဒၣ်ဖဲန့ၣ်တဂၤလၢအစုထွဲတခီသံဝဲလီၤ.

လံာ်သိၣ်လီၤသီလီၤတၢ် 16:9

ဂံၢ်နွံနွံစးထီၣ်လၢသုစးထီၣ်ကူးဘုဧိၤဟုဧိၤ, ဝံၤဒီးမၤတၢ်ကူးက့ၤဝံၤအကတီၢ်အဘူၣ်လၢတၢ်မၤလၤကပီၤယွၤသု ကစၢ်ယွၤအဂီၢ်ခီဖျိတၢ်ဟဲစိာ်န့ၢ်အီၤတၢ်သးအိၣ်အတၢ်မၤဘူၣ်, ကၢကီၣ်သဃီၤဒီးတၢ်ဆိၣ်ဂ့ၤလၢအဟ့ၣ်တ့ၢ်သုန့ၣ်တက့ၢ်.

လံာ်သိၣ်လီၤသီလီၤတၢ် 23:25

တုၤသုလဲၤတၢ်လၢပှၤတဂၤဂၤအစံာ်ပျီပူၤဒီး, သုအီၣ်ဘုစဲၤတဖၣ်လၢသုဒဲးအီၤလၢသုစုခဲလၢာ်သ့ဝဲ, ဘၣ်ဆၣ်ဒီးသုတဘၣ်ကူးဘုစဲၤနီတစဲၤလၢထးဂဲာ်ဘၣ်.