လံာ်လူၤကၣ် 5:8 - Sgaw Karen Common Bible

⁸ ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 5:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:9

တုၤနုၤတစုစီၤဒၤဝံးပျံၤဘၣ်ယွၤဒီးစံးဝဲဒၣ်, “ယက့ၤစိာ်ယွၤအတၢ်အၢၣ်လီၤအီလီၤအတလါစီဆှံဃုာ်ဒီးယၤခဲအံၤကသ့ဒ်လဲၣ်.”

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်မးသဲ 17:6

တုၤအပျဲၢ်အဘီၣ်တဖၣ်နၢ်ဟူတၢ်အံၤဒီး, အဝဲသ့ၣ်ပျံၤတၢ်ဖုးတၢ်ဒိၣ်မး, တုၤဒၣ်လဲာ်အထိၣ်လီၤပှီၤအသးဒီးကျးလီၤအမဲာ်လၢဟီၣ်ခိၣ် အလိၤလီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 8:8

ဘၣ်ဆၣ်ဒီးသုးခိၣ်စံးဝဲ, “ကစၢ်ဧၢယတကြၢးတဘၣ်လၢ နကဟဲနုာ်ဆူယဟံၣ်ပူၤအဂီၢ်ဘၣ်. ထဲခါလီၤနကလုၢ်တဘီဒီးယခ့ယပှၤကအိၣ်ဆူၣ်ထီၣ်က့ၤလီၤ.

လံာ်လူၤကၣ် 5:7

လၢတၢ်န့ၣ်အဃိ, အဝဲသ့ၣ်ဝံၢ်ဝၢ်ဃီၤအစုဆူအတံၤသကိးတဖၣ် လၢချံအဂၤတဘ့ၣ်အပူၤဒ်သိးအကဟဲဒီးမၤစၢၤအဝဲသ့ၣ်လီၤ. အဝဲသ့ၣ်ဟဲဝဲဒီးမၤပှဲၤချံခံဘ့ၣ်လၢာ်လၢညၣ်, ပှဲၤဝဲတုၤဒၣ်လဲာ်ချံတဖၣ်ဘူးတ့ၢ်မးလၢကလီၤဘျၢဝဲလီၤ.

လံာ်လူၤကၣ် 5:9

အဝဲဒၣ်ဒီးပှၤလၢအအိၣ်ဒီးအီၤတဖၣ်ကမၢကမၣ်ဝဲကိးဂၤဒဲးလၢ အဖီၣ်န့ၢ်တ့ၢ်ညၣ်အါအါဂီၢ်ဂီၢ်အဃိလီၤ.

လံာ်ယိၤဟၣ် 11:32

နီၢ်မၤရံလဲၤတုၤဖဲယ့ၣ်ၡူးအိၣ်တၢ်အလီၢ်ဒီး တုၤအထံၣ်အီၤတဘျီဃီအဝဲထိၣ်လီၤပှီၤအသးဖဲယ့ၣ်ၡူး အခီၣ်ထံးဒီးစံးဝဲ, “ကစၢ်ဧၢ, နမ့ၢ်အိၣ်တ့ၢ်နဲဖဲအံၤဒီး ယဒီပုၢ်ဝဲၢ်ခွါတဂၤအံၤတမ့ၢ်လၢအကသံဒံးဘၣ်.”

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်ပှၤစံၣ်ညီၣ်ကွီၢ် 13:22

စီၤမၤနိစံးဘၣ်အမါ, “ပကသံသပှၢ်တၢၢ်လီၤ. အဂ့ၢ်ဒ်အံၤ, ပထံၣ်ဘၣ်တ့ၢ်ကစၢ်ယွၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 6:20

မၤသးဒ်န့ၣ်ဒီး, ပှၤဝ့ၢ်ဘ့ၤသၡ့မ့ၣ်ဖိတဖၣ်စံးဝဲ, “မ့ၢ်မတၤဆၢထၢၣ်လၢယွၤ, ကစၢ်ယွၤလၢအစီဆှံ တဂၤအံၤအမဲာ်ညါသ့ဝဲန့ၣ်လဲၣ်. လၢတၢ်သုးကွံာ်အီၤလၢပအိၣ်အဂီၢ် မ့ၢ်ပကဆှၢအီၤဆူတၢ်လီၢ်မတၤလဲၣ်.”