လံာ်လူၤကၣ် 5:7 - Sgaw Karen Common Bible

⁷ လၢတၢ်န့ၣ်အဃိ, အဝဲသ့ၣ်ဝံၢ်ဝၢ်ဃီၤအစုဆူအတံၤသကိးတဖၣ် လၢချံအဂၤတဘ့ၣ်အပူၤဒ်သိးအကဟဲဒီးမၤစၢၤအဝဲသ့ၣ်လီၤ. အဝဲသ့ၣ်ဟဲဝဲဒီးမၤပှဲၤချံခံဘ့ၣ်လၢာ်လၢညၣ်, ပှဲၤဝဲတုၤဒၣ်လဲာ်ချံတဖၣ်ဘူးတ့ၢ်မးလၢကလီၤဘျၢဝဲလီၤ.

လံာ်လူၤကၣ် 5:7 Iomraidhean Croise

လံာ်တၢ်ဟးထီၣ်ကွံာ် 23:5

နမ့ၢ်ထံၣ်ဘၣ်နဒုၣ်နဒါအကသ့ၣ်ယီၤလီၤဃံၤလၢအတၢ်ဝံတၢ်ယိးအဃိ ဒီးနတသးအိၣ်မၤစၢၤအီၤဘၣ်ဒီးလဲၤပူၤကွံာ်ကလီအီၤတဂ့ၤ. မၤစၢၤအီၤလၢကဝံၣ်ဆၢထၢၣ်က့ၤအကသ့ၣ်ယီၤအဂီၢ်တက့ၢ်.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

လံာ်မၢ်ကူး 4:36

အန့ၣ်ဝံၤအဝဲသ့ၣ်ဟးထီၣ်ကွံာ်လၢပှၤဂီၢ်မုၢ်အကျါလီၤ. အပျဲၢ်အဘီၣ်တဖၣ်ဒိးထီၣ်ချံတဘ့ၣ်ဃီလၢယ့ၣ်ၡူးအိၣ်ပာ်တ့ၢ်လံ လၢအပူၤဒီးခီသကိးပီၣ်လဲၣ်ဒီးအီၤလီၤ. ချံအဂၤတဖၣ် အိၣ်စ့ၢ်ကီးဖဲန့ၣ်လီၤ.

လံာ်လူၤကၣ် 5:6

အဝဲသ့ၣ်ပာ်လီၤစၤတဖၣ်ဒီးဖီၣ်န့ၢ်ညၣ်အါအါဂီၢ်ဂီၢ်တုၤဒၣ်လဲာ် စၤတဖၣ်ဘူးတ့ၢ်မးလၢကယာ်ကွံာ်လီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

မၤတၢ် 11:25

တၢ်မၤအသးတမံၤအံၤဝံၤအလီၢ်ခံ, စီၤဘၢ်နါဘၤလဲၤဆူဝ့ၢ်တၢ်စူးဒ်သိးအကဃုထံၣ်န့ၢ်စီၤစီလူး အဂီၢ်လီၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.