လံာ်လူၤကၣ် 5:37 - Sgaw Karen Common Bible

³⁷ ဒ်န့ၣ်အသိးပှၤတဒၢနုာ်စပံးထံအသီလၢစပံးထံဒၢတၢ်ဖံးအလီၢ်လံၤ တဖၣ်အပူၤနီတဂၤဘၣ်. အဂ့ၢ်မ့ၢ်လၢစပံးထံအသီကမၤသ့ၣ်ဖးကွံာ်စပံးထံဒၢတၢ်ဖံး အလီၢ်လံၤတဖၣ်, စပံးထံကယွၤလီၤကွံာ်ဒီးစပံးထံဒၢတၢ်ဖံးတဖၣ်ကဟးဂီၤကွံာ်ဝဲဒၣ် အဃိန့ၣ်လီၤ.

လံာ်လူၤကၣ် 5:37 Iomraidhean Croise

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

လံာ်မးသဲ 9:17

ပှၤတဒၢနုာ်စ့ၢ်ကီးစပံးထံအသီလၢထံဒၢတၢ်ဖံးအလီၢ်လံၤအပူၤနီ တဂၤဘၣ်. အဂ့ၢ်ဒ်အံၤ, စပံးထံဒၢကပိၢ်ဖးဒီးစပံးထံကလီၤဂၢ်ကွံာ်ဒီး ထံဒၢတၢ်ဖံးစ့ၢ်ကီးကဟးဂီၤကွံာ်ဝဲလီၤ. မ့မ့ၢ်စပံးထံအသီန့ၣ်ပှၤဒၢနုာ်အီၤ လၢထံဒၢတၢ်ဖံးအသီအပူၤသတးဒီး, စပံးထံဒီးထံဒၢတၢ်ဖံးန့ၣ်တဟးဂီၤကွံာ်နီတခါဘၣ်န့ၣ်လီၤ.”

လံာ်လူၤကၣ် 5:36

ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိ တထံၣ်အံၤလီၤ. “ပှၤတဖှီယာ်ကွံာ်တၢ်ကံးယာ်အက့တက့လၢ ဆ့ကၤအသီတဘ့ၣ်အလိၤဒ်သိးအကဆးကျးဆ့ကၤအလီၢ်လံၤ တဘ့ၣ်အဂီၢ်န့ၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, အဝဲကမၤယာ်ဘၣ်ဆ့ကၤအသီ, ဒီးတၢ်ကံးယာ်အက့လၢအသီတက့န့ၣ်, တဘၣ်လိာ်အသးဒီးတၢ်အလီၢ်လံၤန့ၣ်ဘၣ်လီၤ.

လံာ်လူၤကၣ် 5:38

မ့မ့ၢ်စပံးထံအသီန့ၣ်, ကြၢးဘၣ်တၢ်ဒၢနုာ်အီၤလၢစပံးထံဒၢတၢ်ဖံးအသီတဖၣ်အပူၤလီၤ.

လံာ်စီၤယိၤၡူ 9:13

ဖဲပမၤပှဲၤစပံးထံဒၢတၢ်ဖံးတဖၣ်အံၤအခါ, မ့ၢ်တၢ်အသီလီၤ. ဘၣ်ဆၣ်ကွၢ်တက့ၢ်. ယာ်လၢာ်လံ. ပကူပကၤဒီးပခီၣ်ဖံးတ ဖၣ်စ့ၢ်ကီးလီၢ်လံၤဒီးယာ်ကွံာ်လၢပတၢ်ဟဲယံၤဝဲအဃိလီၤ.”

လံာ်စီၤယိၤၡူ 9:4

ဒီးအဝဲသ့ၣ်ပာ်လီၤအသးလၢကလီန့ၢ်အီၤလီၤ. အဝဲသ့ၣ်လဲၤစိာ်တၢ်အီၣ်တနီၤ, ဒီးတီၣ်ထီၣ်ထၢၣ်လီၢ်လံၤဒီး စပံးထံအဒၢလီၢ်လံၤတဖၣ်လၢအကသ့ၣ်ယီၤတဖၣ်အလိၤဒီးလဲၤတၢ်လီၤ.