လံာ်လူၤကၣ် 5:29 - Sgaw Karen Common Bible

²⁹ တုၤနုၤတစုစီၤလ့ၤဝံမၤတၢ်အီၣ်အမူးဖးဒိၣ်တမူးလၢအဟံၣ်ပူၤလၢယ့ၣ်ၡူး အဂီၢ်, ဒီးလၢပှၤဘၣ်တၢ်ကွဲအီၤသ့ၣ်တဖၣ်အကျါန့ၣ်အိၣ်ဃုာ်ဒီး ပှၤဃ့သွဲအါဒံအါဂၤဒီးပှၤအဂၤသ့ၣ်တဖၣ်လီၤ.

လံာ်လူၤကၣ် 5:29 Iomraidhean Croise

လံာ်မးသဲ 11:19

တုၤပှၤကညီဖိခွါဟဲဝဲဒီးအီၣ်တၢ်အီတၢ်ဒီးပှၤကိးဂၤစံးဝဲ, ‘ကွၢ်တက့ၢ်. ပှၤတဂၤအံၤမ့ၢ်ပှၤအီၣ်လုၣ်ကိတၢ်ဒီးအီလုၣ်ကိစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’ ဘၣ်ဆၣ်ကစၢ်ယွၤအတၢ်ကူၣ်သ့န့ၣ်ဘၣ်တၢ်ပာ်တီပာ်လိၤအီၤလၢ အတၢ်ဖံးတၢ်မၤဒၣ်ဝဲန့ၣ်လီၤ.”

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 9:10

ဖဲယ့ၣ်ၡူးအီၣ်တၢ်လၢစီၤမးသဲအဟံၣ်ပူၤအဖၢမုၢ်န့ၣ်, ပှၤဃ့သွဲအါဂၤဒီးပှၤတၢ်ဒဲးဘးဖိလၢအဘၣ်တၢ်ဟီထီၣ်ကွံာ် အီၤတဖၣ်, ဟဲဒီးအီၣ်သကိးတၢ်ဒီးယ့ၣ်ၡူးဒီးအပျဲၢ်အဘီၣ်တဖၣ်လီၤ.

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

လံာ်မၢ်ကူး 2:15

လၢခံတယံာ်ဘၣ်ဒီးယ့ၣ်ၡူးဆ့ၣ်နီၤအီၣ်တၢ်အီၣ်လၢစီၤလ့ၤဝံအဟံၣ် ပူၤလီၤ. ပှၤဃ့သွဲဒီးပှၤတၢ်ဒဲးဘးဖိလၢ အဘၣ်တၢ်ဟီထီၣ်ကွံာ်အီၤဒီးပိာ်ထီၣ်အခံတဖၣ်န့ၣ် ဆ့ၣ်နီၤအီၣ်သကိးဃုာ်တၢ်ဒီးယ့ၣ်ၡူးဒီးအပျဲၢ်အဘီၣ်တဖၣ်ဖဲ စီၢ်နီၤခိၣ် န့ၣ်လီၤ.

လံာ်လူၤကၣ် 15:1

တနံၤန့ၣ်, ပှၤဃ့သွဲအါဒံအါဂၤဒီးပှၤတၢ်ဒဲးဘးဖိတဖၣ်ဟဲဒ်သိး အကဒိကနၣ်ယ့ၣ်ၡူးအတၢ်စံးတၢ်ကတိၤအဂီၢ်လီၤ.

လံာ်ယိၤဟၣ် 12:2

ဖဲန့ၣ်, အဝဲသ့ၣ်ကတဲာ်ကတီၤဟါတၢ်အီၣ်လၢယ့ၣ်ၡူးအဂီၢ် ဒီးနီၢ်မၢ်သၤမၤစၢၤတၢ်လၢတၢ်လုၢ်အီၣ်လုၢ်အီဒီးစီၤလါစရူးမ့ၢ် ပှၤအီၣ်သကိးဃုာ်တၢ်ဒီးယ့ၣ်ၡူးအကျါတဂၤန့ၣ်လီၤ.

1 ကရံၣ်သူး 10:27

ပှၤလၢအတစူၢ်က့ၤနာ်က့ၤတၢ်တဂၤမ့ၢ်ကွဲအီၣ်ကွဲအီသု ဒီးသုပာ်လီၤသုသးလၢသုကလဲၤန့ၣ်, အီၣ်တၢ်လၢပှၤပာ်လီၤလၢသုမဲာ်ညါတအိၣ်ဒီးတၢ်သံကွၢ်သံဒိး လၢအအိၣ်ထီၣ်လၢသုသးလၢအသ့ၣ်ညါဒၣ်တၢ်အဃိဘၣ်န့ၣ် တက့ၢ်.