လံာ်လူၤကၣ် 5:26 - Sgaw Karen Common Bible

²⁶ အဝဲသ့ၣ်ကိးဂၤဒဲးကမၢကမၣ်ဝဲဒိၣ်မးဒီးလၢတၢ်ပျံၤတၢ်ဖုးအဒိၣ် အအါအပူၤ, အဝဲသ့ၣ်စံးထီၣ်ပတြၢၤကစၢ်ယွၤဒီးစံးဝဲ, “မုၢ်တနံၤအံၤ, ပထံၣ်ဘၣ်တၢ်လၢအလီၤလိၢ်လီၤလးမးတဖၣ်လီၤ.”

လံာ်လူၤကၣ် 5:26 Iomraidhean Croise

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်မးသဲ 12:23

ပှၤအိၣ်ဖဲန့ၣ်ခဲလၢာ်ကမၢကမၣ်ဝဲဒိၣ်ဒိၣ်ကလဲာ်လၢတၢ်လၢယ့ၣ်ၡူး မၤဝဲအဃိဒီးစံး, “ပှၤအံၤတမ့ၢ်စီၤဒၤဝံးအဖိခွါဘၣ်ဧါ.”

လံာ်မးသဲ 28:8

လၢတၢ်န့ၣ်အဃိ, အဝဲသ့ၣ်ဃ့ၢ်ထီၣ်ကွံာ်ဝဲလၢတၢ်သွၣ်ခိၣ် အပူၤန့ၣ်ချ့သဒံးလၢတၢ်ပျံၤဒီးတၢ်သးခုဖးဒိၣ်အပူၤ, ဒီးဃ့ၢ်ဝဲဒ်သိးအကတဲဘၣ်ယ့ၣ်ၡူးအပျဲၢ်အဘီၣ်တဖၣ် လၢတၢ်ဂ့ၢ်န့ၣ်လီၤ.

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်လူၤကၣ် 1:65

ကယဲၢ်ပှၤအိၣ်ဆိးလၢအခိၣ်အဃၢၤတဖၣ်ပှဲၤဒီးတၢ်ပျံၤတၢ်ဖုးဒီး တၢ်ကစီၣ်ဘၣ်ဃးတၢ်သ့ၣ်တဖၣ်အံၤအဂ့ၢ်ဟူထီၣ်သါလီၤဝဲ သကုၤကီၢ်ယူဒၤအတၢ်လူၢ်တၢ်တြီၤတၢ်လီၢ်တၢ်ကျဲတဖၣ်လီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.