လံာ်လူၤကၣ် 5:22 - Sgaw Karen Common Bible

²² ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးစံးဘၣ်အဝဲသ့ၣ်, “ဘၣ်မနုၤလၢသုဆိကမိၣ်တၢ်ဒ်န့ၣ်အသိးတဖၣ်လဲၣ်.

လံာ်လူၤကၣ် 5:22 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 139:2

ယဆ့ၣ်နီၤဒီးယဆၢထၢၣ်န့ၣ်နသ့ၣ်ညါလီၤ. နနၢ်ပၢၢ်ယတၢ်ဆိကမိၣ်တဖၣ်လၢအယံၤလီၤ.

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

လံာ်ယၡါယၤ 66:18

ယသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးအတၢ်မၤတဖၣ် န့ၣ်လီၤ. ယဟဲယဲဒ်သိးယကပာ်ဖှိၣ်ကယဲၢ်ပှၤကလုာ်တဖၣ် အပှၤဂီၢ်မုၢ်န့ၣ်လီၤ. ဖဲအဝဲသ့ၣ်ဟဲပာ်ဖှိၣ်အသးခဲလၢာ်န့ၣ်, အဝဲသ့ၣ်ကထံၣ်ယတၢ်စိကမီၤမၤတၢ်မနုၤသ့,

လံာ်ယဃ့းစက့လး 38:10

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ်စီၤကိး န့ၣ်လီၤ. “တုၤတၢ်ဆၢကတီၢ်အဝဲန့ၣ်ဟဲတုၤဃီၤန့ၣ်, နကစးထီၣ် ဆိကမိၣ်ထီၣ်တၢ်အၢတၢ်သီအတၢ်ကူၣ်ကျဲၤတမံၤန့ၣ်လီၤ.

လံာ်မးသဲ 12:15

တုၤယ့ၣ်ၡူးနၢ်ဟူဝဲတၢ်ကူၣ်ထီၣ်ဖးလီၤထီဒါအီၤအံၤဒီး အဝဲဟးထီၣ်ကွံာ်လၢတၢ်လီၢ်န့ၣ်, ဒီးပှၤအါဒံအါဂၤပိာ်ထီၣ် အခံလီၤ. အဝဲမၤဘျါက့ၤပှၤဆူးပှၤဆါခဲလၢာ်,

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မးသဲ 9:4

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံး, “ဘၣ်မနုၤလၢသုအိၣ်ဒီးတၢ်ဆိကမိၣ်အအၢ အသီလၢသုသးကံၢ်ပူၤလဲၣ်.

လံာ်မၢ်ကူး 8:17

ယ့ၣ်ၡူးသ့ၣ်ညါတ့ၢ်တၢ်လၢအဝဲသ့ၣ်စံးလိာ်အသးသတးဒီး သံကွၢ်အဝဲသ့ၣ်တဖၣ်န့ၣ်, “ဘၣ်မနုၤသုဘၣ်စံးကတိၤလိာ်သုသးဘၣ်ဃး သုကိၣ်တအိၣ်ဘၣ်အဂ့ၢ်န့ၣ်လဲၣ်. မ့ၢ်သုတသ့ၣ်ညါဒီးသုတနၢ်ပၢၢ်ဒံး ဘၣ်ဧါ. သုတၢ်နၢ်ပၢၢ်လီၤတိၢ်ထဲန့ၣ်ညါဧါ.

လံာ်လူၤကၣ် 24:38

ဘၣ်ဆၣ်ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုသူၣ်ပျံၤသးဖုးလဲၣ်. ဘၣ်မနုၤအဃိတၢ်သးဒ့ဒီတဖၣ်အံၤဟဲအိၣ်ထီၣ်လၢသုပူၤလဲၣ်.

လံာ်လူၤကၣ် 5:21

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပှၤဖၤရံၤၡဲ တဖၣ်စံးလိာ်အသးတဂၤဒီးတဂၤဒီးစံးဝဲ, “ပှၤလၢအကတိၤကမၣ်ကစၢ်ယွၤလၢကျဲဒ်အံၤအသိးတဂၤ အံၤမ့ၢ်မတၤတဂၤလဲၣ်. ပှၤကညီပျၢ်တၢ်ဒဲးဘးတသ့နီတဂၤဘၣ်, သ့ထဲကစၢ်ယွၤတဂၤဧိၤလီၤ.”

လံာ်လူၤကၣ် 5:23

မ့ၢ်အညီဒိၣ်လၢပကစံး, ‘နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ.’ မ့တမ့ၢ်, ‘ဂဲၤဆၢထၢၣ်ဒီးဟးတက့ၢ်’ န့ၣ်ဧါ.

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.