လံာ်လူၤကၣ် 5:21 - Sgaw Karen Common Bible

²¹ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပှၤဖၤရံၤၡဲ တဖၣ်စံးလိာ်အသးတဂၤဒီးတဂၤဒီးစံးဝဲ, “ပှၤလၢအကတိၤကမၣ်ကစၢ်ယွၤလၢကျဲဒ်အံၤအသိးတဂၤ အံၤမ့ၢ်မတၤတဂၤလဲၣ်. ပှၤကညီပျၢ်တၢ်ဒဲးဘးတသ့နီတဂၤဘၣ်, သ့ထဲကစၢ်ယွၤတဂၤဧိၤလီၤ.”

လံာ်လူၤကၣ် 5:21 Iomraidhean Croise

စံးထီၣ်ပတြၢၤ 103:3

အဝဲဒၣ်န့ၣ်, မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမ့ၢ်ပှၤလၢအမၤဘျါက့ၤ နတၢ်ဆူးတၢ်ဆါကိးမံၤဒဲး,

စံးထီၣ်ပတြၢၤ 130:4

ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 35:5

မ်အဝဲသ့ၣ်လီၤဂာ်ဒီးဖ့လၢကလံၤအူဒံကွံာ်အီၤ, ဒ်ယွၤအကလူးလူၤနီၣ်ကွံာ်အီၤအသိးန့ၣ်တက့ၢ်.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

လံာ်မးသဲ 26:65

ထဲန့ၣ်တဘျီ, ပှၤလုၢ်တၢ်အခိၣ်အဒိၣ်ကတၢၢ်တဂၤ ဖှီယာ် အကူအသိးဒၣ်ဝဲဒီးစံး, “ကတိၤတရီတပါလံယွၤလံ. ပမၤန့ၢ်တၢ်အုၣ်အသးအဂၤတဖၣ်အလီၢ်တအိၣ်လၢၤဘၣ်. ခဲအံၤဒၣ်လဲာ်သုနၢ်ဟူလံအတၢ်ကတိၤတရီတပါယွၤလံ.

လံာ်မးသဲ 9:3

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤစံးလိာ်အသး, “ပှၤအံၤကတိၤကမၣ်ယွၤလီၤ.”

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.

လံာ်လူၤကၣ် 5:17

ဘၣ်တနံၤဖဲယ့ၣ်ၡူးသိၣ်လီၤသီလီၤတၢ်အဆၢကတီၢ်န့ၣ်, ပှၤဖၤရံၤၡဲတဖၣ်ဒီးပှၤသိၣ်လိတၢ်သိၣ်တၢ်သီတဖၣ်ဆ့ၣ်နီၤအိၣ်ဖဲ န့ၣ်လီၤ. အဝဲသ့ၣ်ဟဲလၢကယဲၢ်ဝ့ၢ်အိၣ်ဖဲကီၢ်ကၤလံၤလါ ဒီးကီၢ်ယူဒၤဒီးလၢဝ့ၢ်ယရူၤၡလ့ၣ်လီၤ. ကစၢ်အစိကမီၤအိၣ်ဝဲဒီး ယ့ၣ်ၡူးလၢအကမၤဘျါပှၤဆူးပှၤဆါတဖၣ်အဂီၢ်လီၤ.

လံာ်လူၤကၣ် 5:22

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးစံးဘၣ်အဝဲသ့ၣ်, “ဘၣ်မနုၤလၢသုဆိကမိၣ်တၢ်ဒ်န့ၣ်အသိးတဖၣ်လဲၣ်.

လံာ်လူၤကၣ် 7:49

ပှၤလၢအဆ့ၣ်နီၤသန့ၤဃုာ်လၢတၢ်အီၣ်အစီၢ်နီၤခိၣ်တဖၣ်စံးလိာ်အသး သကိးသကိး, “ပှၤလၢအပျၢ်ကွံာ်ဒၣ်လဲာ်တၢ်ဒဲးဘးတဂၤအံၤ, မ့ၢ်မတၤတဂၤလဲၣ်.”

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

ရိမ့ၤ 8:33

မ့ၢ်မတၤကပာ်တၢ်ကမၣ်လၢပှၤလၢကစၢ်ယွၤဃုထၢအီၤ တဖၣ်အလိၤန့ၣ်လဲၣ်. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢ အပာ်တီပာ်လိၤအဝဲသ့ၣ်န့ၣ်လီၤ.