လံာ်လူၤကၣ် 5:19 - Sgaw Karen Common Bible

¹⁹ ဘၣ်ဆၣ်ဒီးမ့ၢ်လၢပှၤအိၣ်ဝဲဂီၢ်မုၢ်ဂီၢ်ပၤအဃိ, အဝဲသ့ၣ်တထံၣ်န့ၢ်ကျဲလၢအကစိာ်နုာ်အီၤအဂီၢ်ဘၣ်. လၢတၢ်န့ၣ်အဃိ, အဝဲသ့ၣ်လဲၤစိာ်ထီၣ်အီၤလၢဟံၣ်ခိၣ်, အိးဟိထီၣ်ဒၢးခီအဘ့ၣ်ဘၣ်တနီၤဒီးစဲၤလီၤအီၤလၢအလီၢ်မံလိၤဆူ ပှၤအိၣ်ပာ်ဖှိၣ်အသးတဖၣ်အခၢၣ်သးလၢယ့ၣ်ၡူးအမဲာ်ညါလီၤ.

လံာ်လူၤကၣ် 5:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

လံာ်မၢ်ကူး 2:4

မ့ၢ်လၢပှၤဂီၢ်မုၢ်အါဒိၣ်မးဒီးအဝဲသ့ၣ်ကလဲၤစိာ်ဘူးထီၣ် ပှၤတဂၤန့ၣ်ဆူယ့ၣ်ၡူးအအိၣ်တသ့ဘၣ်အဃိ, ဘၢၣ်ဖျိကွံာ်ဟံၣ်ခိၣ်ဒုးလိၤလိၤဖဲယ့ၣ်ၡူးအိၣ်တၢ်အလီၢ် အဖီခိၣ်ဝံၤ, စဲၤလီၤလီၢ်မံလၢပှၤဆါမံနီၤဝဲလၢအပူၤန့ၣ်လီၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:25

ဖဲအဝဲသ့ၣ်က့ၤလီၤလၢတၢ်ဘူၣ်တၢ်ဘါအလီၢ်ဆူ ဝ့ၢ်ပူၤဒီးအဝဲသ့ၣ်မၤန့ၢ်လီၢ်မံခးတခါလၢစီၤစီလူးအဂီၢ် လၢဟံၣ်ခိၣ်ဒုးအဖီခိၣ်လီၤ. ဒီးမံဝဲဖဲန့ၣ်လီၤ.