လံာ်လူၤကၣ် 4:6 - Sgaw Karen Common Bible

⁶ မုၣ်ကီၤလံၢ်စံးဘၣ်အီၤ, “ယကဟ့ၣ်နၤတၢ်စိတၢ်ကမီၤအဝဲ အံၤခဲလၢာ်, ဒီးတၢ်ထူးတၢ်တီၤအဝဲအံၤခဲလၢာ်လီၤ. အဝဲအံၤဘၣ်တၢ်ဟ့ၣ်လီၤတ့ၢ်အီၤလၢယစုပူၤခဲလၢာ်, ဒီးယဟ့ၣ်လီၤအီၤဆူပှၤတဂၤဂ့ၤတဂၤဂ့ၤလၢယဃုထၢယဲန့ၣ်သ့ဝဲလီၤ.

လံာ်လူၤကၣ် 4:6 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 5:14

ပှၤသံတဖၣ်အကီၢ်န့ၣ်သၣ်ဝံၤလီၤဒိလၢအဝဲသ့ၣ်ဒီးအိးထီၣ်အကိာ် ပူၤဖးလဲာ်န့ၣ်လီၤ. ယူၢ်လီၤကွံာ်ဝ့ၢ်ယရူၤၡလ့ၣ်အပှၤတူၢ်ဒိၣ်ကီၤဒိၣ် တဖၣ်ဃုာ်ဒီးပှၤမုၢ်ဆ့ၣ်မုၢ်ဂီၤလၢ အသီၣ်သဲပိၢ်ကလာ်တဖၣ်န့ၣ်လီၤ.

လံာ်လူၤကၣ် 4:7

နမ့ၢ်ဘူၣ်ထီၣ်ဘါထီၣ်ယၤဒီး, တၢ်အံၤခဲလၢာ်ကမ့ၢ်နတၢ်လီၤ.”

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၂ ကရံၣ်သူး 11:14

အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.

လံာ်လီၣ်ဖျါ 13:7

တၢ်ဟ့ၣ်အီၤအခွဲးလၢအကဒုးတၢ်ထီဒါကစၢ်ယွၤ အပှၤဂီၢ်မုၢ်, ဒီးမၤနၢၤကွံာ်အဝဲသ့ၣ်, ဒီးတၢ်ဟ့ၣ်အီၤတၢ်စိတၢ်ကမီၤလၢကယဲၢ်ဒူၣ် ထၢ, ထံကီၢ်, ပှၤကတိၤကျိာ်တကျိာ်လၢ်လၢ်ဒီးပှၤကလုာ် တကလုာ်လၢ်လၢ်, အဖီခိၣ်န့ၣ်လီၤ.