လံာ်လူၤကၣ် 4:39 - Sgaw Karen Common Bible

³⁹ အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.

လံာ်လူၤကၣ် 4:39 Iomraidhean Croise

စံးထီၣ်ပတြၢၤ 116:12

ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

လံာ်မၢ်ကူး 1:29

ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ကွံာ်လၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤအိၣ်ဃုာ်ဒီးစီၤယၤကိာ်ဒီး စီၤယိၤဟၣ် ဒီးလဲၤနုာ်ဆူစီၤၡံမိၣ်ဒီးစီၤအၣ်ဒရ့းအဟံၣ်ပူၤလီၤ.

လံာ်လူၤကၣ် 4:35

ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.

လံာ်လူၤကၣ် 8:24

အပျဲၢ်အဘီၣ်တဖၣ်လဲၤဆူယ့ၣ်ၡူးအအိၣ်ဒီးကိးပၢၢ်ထီၣ်အီၤဒီးစံးဝဲ, “ကစၢ်ဧၢ, ကစၢ်ဧၢ, ပကသံလီၤ.” ယ့ၣ်ၡူးဂဲၤဆၢထၢၣ်ဒီးခါလီၤအကလုၢ်လၢကလံၤဒီးလပီတဖၣ် အလိၤ, အဝဲသ့ၣ်အိၣ်ဘှ့ၣ် က့ၤဝဲဒီးတၢ်အိၣ်က့ၤမးဝဲ ဂၢၢ်တပၢၢ်လီၤ.