လံာ်လူၤကၣ် 4:35 - Sgaw Karen Common Bible

³⁵ ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.

လံာ်လူၤကၣ် 4:35 Iomraidhean Croise

စံးထီၣ်ပတြၢၤ 50:16

မ့မ့ၢ်ပှၤတတီတလိၤန့ၣ်ကစၢ်ယွၤစံးဘၣ်အီၤ, “ဘၣ်မနုၤလၢနကစံၣ်တဲၤတဲလီၤယတၢ်မၤလိာ်, ဒီးဘၣ်မနုၤလၢနကစံးကတိၤ ယတၢ်အၢၣ်လီၤအီလီၤအဂ့ၢ်န့ၣ်လဲၣ်.”

လံာ်စကၤရယၤ 3:2

ယွၤအကလူးစံးဘၣ်မုၣ်ကီၤလံၢ်, “မုၣ်ကီၤလံၢ်ဧၢ, မ်ယွၤသိၣ်ဃီၣ်နၤတက့ၢ်. မ်ယွၤလၢအအဲၣ်ဝ့ၢ်ယရူၤၡလ့ၣ်သိၣ်ဃီၣ်နၤတက့ၢ်. ပှၤတဂၤအံၤမ့ၢ်သ့ၣ်မုၣ်ခံတဘိလၢအဘၣ်တၢ်ထုးထီၣ်ကွံာ်အီၤလၢ မ့ၣ်အူပူၤလီၤ.”

လံာ်မးသဲ 17:18

ဒီးယ့ၣ်ၡူးဒူတၢ်နါအလိၤ, ဒီးတၢ်နါဟးထီၣ်ကွံာ်လၢအလိၤ, ဒီးပိာ်ခွါဖိသၣ်န့ၣ်ဘျါက့ၤဝဲတကတီၢ်ဃီဖဲန့ၣ်လီၤ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်မၢ်ကူး 1:26

ဒီးတၢ်နါတရုၤဆှဲးဆှု ပှၤတဂၤန့ၣ်နးနးကလဲာ်ဝံၤ, ကိးပသူထီၣ်လၢအကလုၢ်ဖးဒိၣ်ဒီးဟးထီၣ်ကွံာ်လၢအပူၤလီၤ.

လံာ်မၢ်ကူး 4:39

ယ့ၣ်ၡူးဂဲၤဆၢထၢၣ်ဒီးဒူကလံၤအလိၤဒီးစံးဘၣ်ပီၣ်လဲၣ်ဒီးလပီန့ၣ်, “အိၣ်ဘှီၣ်ဒီးအိၣ်ဂၢၢ်တက့ၢ်.” ဒီးကလံၤမုၢ်န့ၣ်တုာ်ဝဲဒီးတၢ်ခဲလၢာ်အိၣ်က့ၤဂၢၢ်တပၢၢ်လီၤ.

လံာ်မၢ်ကူး 9:26

ဒီးတၢ်နါကိးပသူထီၣ်ဝဲဒီးမၤပျုၢ်ထိးထီၣ်ဖိသၣ်နးမးဝံၤ ဟးထီၣ်ကွံာ်ဝဲလၢအအိၣ်လီၤ. ဖိသၣ်န့ၣ်အိၣ်ဖျါမၤအသးဒ်ပှၤသံစိၣ်တဂၤအသိးသတးဒီး, ပှၤကိးဂၤဒဲးစံးဝဲ, “အဝဲဒၣ်သံလံ” န့ၣ်လီၤ.

လံာ်လူၤကၣ် 11:22

ဘၣ်ဆၣ်ဒီး, ဖဲပှၤလၢအဂံၢ်အဘါဆူၣ်န့ၢ်အီၤတဂၤ ဟဲဒုးဒီးမၤနၢၤကွံာ်အီၤန့ၣ်, အဝဲစိာ်ကွံာ်တၢ်စုကဝဲၤလၢဟံၣ်ကစၢ်သန့ၤအသးလၢအီၤတဖၣ်ခဲ လၢာ်, ဒီးနီၤဖးလီၤတၢ်လၢအဂုာ်န့ၢ်ဝဲတဖၣ်လီၤ.

လံာ်လူၤကၣ် 4:23

အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.”

လံာ်လူၤကၣ် 4:39

အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.

လံာ်လူၤကၣ် 8:24

အပျဲၢ်အဘီၣ်တဖၣ်လဲၤဆူယ့ၣ်ၡူးအအိၣ်ဒီးကိးပၢၢ်ထီၣ်အီၤဒီးစံးဝဲ, “ကစၢ်ဧၢ, ကစၢ်ဧၢ, ပကသံလီၤ.” ယ့ၣ်ၡူးဂဲၤဆၢထၢၣ်ဒီးခါလီၤအကလုၢ်လၢကလံၤဒီးလပီတဖၣ် အလိၤ, အဝဲသ့ၣ်အိၣ်ဘှ့ၣ် က့ၤဝဲဒီးတၢ်အိၣ်က့ၤမးဝဲ ဂၢၢ်တပၢၢ်လီၤ.

လံာ်လူၤကၣ် 9:39

တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်.

လံာ်လူၤကၣ် 9:42

ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.

လံာ်လီၣ်ဖျါ 12:12

ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”