လံာ်လူၤကၣ် 4:29 - Sgaw Karen Common Bible

²⁹ အဝဲသ့ၣ်ဂဲၤဆၢထၢၣ်, တွံၢ်ထီၣ်ကွံာ်ယ့ၣ်ၡူးဆူဝ့ၢ်အချၢ, ဒီးဆှၢအီၤဆူတၢ်လူၢ်ဖဲအဝဲသ့ၣ်အဝ့ၢ်အိၣ်သူၣ်ထီၣ်အသးလၢ အလိၤန့ၣ်အဒီခိၣ်လီၤ. အဝဲသ့ၣ်ပာ်လီၤအသးလၢအကတ့ၢ်လီၤဆှိခိၣ်အီၤလၢလ့အလိၤ,

လံာ်လူၤကၣ် 4:29 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:12

ဒီးဖီၣ်န့ၢ်အါထီၣ်ဝဲအဂၤ တကလး ဂၤန့ၣ်လီၤ. အဝဲသ့ၣ်လဲၤကိးထီၣ်ပှၤလၢအဘၣ်တၢ်ဖီၣ်န့ၢ်အီၤတဖၣ်ဆူ ဝ့ၢ်စ့လၤအကစၢၢ်အလ့ကဘျၣ်ဖးထီအဒီခိၣ်ဒီးကွံာ်လီၤကွံာ်အဝဲသ့ၣ်, ဒ်သိးကသံကွံာ်လၢလၢၢ်လၢကစၢၢ်ခီၣ်ထံးအလိၤန့ၣ်လီၤ.

စံးထီၣ်ပတြၢၤ 37:14

ပှၤအၢပှၤသီဘီၣ်ထီၣ်အနးတဖၣ်ဒီးဖ့ၣ်ထီၣ်အချံၣ်တဖၣ် ဒ်သိးကမၤလီၤဃံၤပှၤဖှီၣ်ဖိယာ်ဖိ ဒီးပှၤလၢအလိၣ်ဘၣ်တၢ်, ဒ်သိးကမၤသံပှၤလၢအလဲၤတၢ်လၢ တၢ်တီတၢ်လိၤအပူၤန့ၣ်လီၤ.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

လံာ်လူၤကၣ် 4:28

ဖဲပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် နၢ်ဟူဘၣ်တၢ်ကတိၤအဝဲအံၤန့ၣ်, အဝဲသ့ၣ်လၢပှဲၤဒီးတၢ်သူၣ်ဒိၣ်သးဖျိးလီၤ.

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

လံာ်ယိၤဟၣ် 8:40

တၢ်လၢယမၤန့ၣ်, မ့ၢ်တၢ်စံးဘၣ်တဲဘၣ်သုတၢ်မ့ၢ်တၢ်တီလၢ ယနၢ်ဟူလၢကစၢ်ယွၤအအိၣ်န့ၣ်လီၤ. အန့ၣ်ဒၣ်လဲာ်, သုဂုာ်ကျဲးစၢးမၤသံယၤလီၤ. စီၤအၤဘြၤဟၣ်တမၤတၢ်ဒ်သိး အံၤန့ၣ်ဘၣ်.

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.

ဧ့ၤဘြံၤ 13:12

လၢတၢ်န့ၣ်အဃိ, ယ့ၣ်ၡူးဒိးသံစ့ၢ်ကီးအသးလၢဝ့ၢ် အချၢဒ်သိးဒီးကမၤကဆှီထီၣ်အပှၤဂီၢ်မုၢ်ခီဖျိအသွံၣ်ဒၣ် ဝဲန့ၣ်လီၤ.