လံာ်လူၤကၣ် 4:27 - Sgaw Karen Common Bible

²⁷ ဒီးဖဲဝံအလံၤၡါအဆၢကတီၢ်န့ၣ်, ပှၤလၢအတူၢ်ဘၣ်တၢ်ဆါလိၤ တဂ့ၤအိၣ်ဝဲအါဒံအါဂၤလၢကီၢ်အံၣ်စရ့လးအပူၤ, ဘၣ်ဆၣ်အဝဲသ့ၣ်တဘၣ်တၢ်မၤဘျါက့ၤအီၤနီတဂၤဘၣ်. တၢ်မၤဘျါက့ၤဒၣ်ထဲပှၤစူၤရံဖိစီၤနဧၤမၣ်တဂၤဧိၤလီၤ.”

လံာ်လူၤကၣ် 4:27 Iomraidhean Croise

လံာ်စီၤယိၤဘး 21:22

ကစၢ်ယွၤလၢအစံၣ်ညီၣ်ဒၣ်လဲာ်ပှၤအိၣ်လၢတၢ်လီၢ်ထီၣ်ထီတဖၣ် န့ၣ်ပှၤတဂၤဂၤသိၣ်လိအီၤလၢတၢ်သ့ၣ်ညါဘၣ်ကသ့ဧါ.

လံာ်စီၤယိၤဘး 33:13

နကဒူးကဒ့ၣ်လၢကစၢ်ယွၤအလိၤဒီးစံးလၢအတစံးဆၢဘၣ် ပှၤကညီအတၢ်ကတိၤနီတဘျီဘၣ်န့ၣ်, မ့ၢ်အဘၣ်မနုၤလဲၣ်.

လံာ်စီၤယိၤဘး 36:23

တၢ်လၢကစၢ်ယွၤကဘၣ်မၤဝဲမ့ၢ်တၢ်မနုၤဂ့ၤ, ပှၤကဆှိးကမၣ် အီၤလၢအမၤတၢ်အၢတၢ်သီမ့ၢ်ဂ့ၤသ့န့ၣ်တအိၣ်ဘၣ်နီတဂၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်လူၤကၣ် 4:28

ဖဲပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် နၢ်ဟူဘၣ်တၢ်ကတိၤအဝဲအံၤန့ၣ်, အဝဲသ့ၣ်လၢပှဲၤဒီးတၢ်သူၣ်ဒိၣ်သးဖျိးလီၤ.

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.