လံာ်လူၤကၣ် 4:22 - Sgaw Karen Common Bible

²² အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်လူၤကၣ် 4:22 Iomraidhean Croise

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

တၢ်ကတိၤဒိ. 10:32

ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 16:21

ပှၤကူၣ်သ့ဒီးဒိၣ်တုာ်ခိၣ်ပှဲၤတဂၤန့ၣ်ဘၣ်တၢ်သ့ၣ်ညါအီၤလၢအ တၢ်သ့ၣ်ညါနၢ်ပၢၢ်အဃိလီၤ. အတၢ်ကတိၤတဖၣ်ဒံးမုာ်အတၢ်ထုးန့ၢ် ပှၤအသးဒံးအါလီၤ.

တၢ်ကတိၤဒိ. 25:11

တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်လူၤကၣ် 2:47

ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 2:48

အဝဲဒၣ်အမိၢ်အပၢ်တဖၣ်ကမၢကမၣ်ဝဲဖဲအထံၣ်ဘၣ်အီၤဒီး အမိၢ်စံးဘၣ်အီၤ, “ဖိခွါဧၢ, နမၤပှၤဒ်သိးအံၤဘၣ်မနုၤအဃိလဲၣ်. နပၢ်ဒီးယၤပလူၤဃုတ့ၢ်နၤလၢတၢ်သူၣ်ကိၢ်သးဂီၤအပူၤလီၤ.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်လူၤကၣ် 4:21

အဝဲဒၣ်စးထီၣ်ကတိၤတၢ်ဒီးအဝဲသ့ၣ်ဒီးစံးဝဲ, “တၢ်ကွဲးအသးတတီၤအံၤလၢထီၣ်ပှဲၤထီၣ်လံဝဲတနံၤအံၤ, ဖဲသုနၢ်ဟူတၢ်ဖးဖျါထီၣ်အီၤအဆၢကတီၢ်န့ၣ်လီၤ.”

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 6:42

အဝဲသ့ၣ်စံးဝဲ, “ပှၤတဂၤအံၤမ့ၢ်စီၤယိၤသးအဖိခွါယ့ၣ်ၡူး, တမ့ၢ်ဘၣ်ဧါ. ပသ့ၣ်ညါအမိၢ်ဒီးအပၢ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိအဝဲစံးဝဲခဲအံၤလၢအဟဲလီၤလၢမူခိၣ်န့ၣ်လဲၣ်.”

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.