လံာ်လူၤကၣ် 4:20 - Sgaw Karen Common Bible

²⁰ ယ့ၣ်ၡူးထူထီၣ်က့ၤလံာ်ထူတထူန့ၣ်, ဟ့ၣ်က့ၤဝဲဆူပှၤတဂၤလၢအကွၢ်ထွဲဘူၣ်ဘျီၣ်လၢအမ့ၢ် တၢ်ဘါလီၢ်အစုပူၤဒီးဆ့ၣ်နီၤဝဲလီၤ. ပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် ကွၢ်စူၣ်အီၤကိးဂၤဒဲးလီၤ.

လံာ်လူၤကၣ် 4:20 Iomraidhean Croise

လံာ်မးသဲ 26:55

တုၤနုၤတစု, ယ့ၣ်ၡူးကတိၤတၢ်ဒီးပှၤဂီၢ်မုၢ်ဒီးစံး, “မ့ၢ်သုဘၣ်ဟဲစိာ်နးဒီးနီၣ်တီၢ်လၢ သုကဖီၣ်န့ၢ်ယၤအဂီၢ်, ဒ်ပှၤလၢအမၤကမၣ်တၢ်သိၣ်တၢ်သီတဂၤအသိးန့ၣ်ဧါ. ကိးနံၤဒဲးယဆ့ၣ်နီၤဒီးသိၣ်လီၤသီလီၤတၢ်လၢတၢ်လုၢ်ဟံၣ် အပူၤ, ဒီးသုတဖီၣ်ယၤမးလဲၣ်.

လံာ်မးသဲ 27:60

ဒီးပာ်လီၤအီၤလၢအဝဲဒၣ်အနီၢ်ကစၢ်ဒၣ်ဝဲအတၢ်သွၣ်ခိၣ် အပူၤ, လၢအစိးပျၤန့ၢ်ဝဲလၢလ့အကပၤဖဲတယံာ်ဒံးဘၣ် အကတီၢ်န့ၣ်လီၤ. ဝံၤဒီး, တလ့ၣ်တံၢ်လၢၢ်ဖးဒိၣ်တဖျၢၣ် လၢတၢ်သွၣ်ခိၣ်အပူၤအခိၣ်ထိးဒီးဟးထီၣ်ကွံာ်ဝဲဖဲန့ၣ်လီၤ.

လံာ်လူၤကၣ် 19:48

ဘၣ်ဆၣ်ဒီးအဝဲသ့ၣ်ကဘၣ်မၤဝဲလၢကျဲဒ်လဲၣ်န့ၣ်တသ့ၣ်ညါဝဲဘၣ်. အဂ့ၢ်မ့ၢ်လၢပှၤဂီၢ်မုၢ်ဒိကနၣ်ဒံးအတၢ်စံးတၢ်ကတိၤ, ဒီးတအဲၣ်ဒိးလၢအတၢ်ကတိၤလဲၤပူၤကွံာ်အဝဲသ့ၣ်နီ တထံၣ်ဘၣ်အဃိလီၤ.

လံာ်လူၤကၣ် 4:17

ဒီးတၢ်ဟ့ၣ်လီၤအီၤလၢလံာ်ဝံယၡါယၤန့ၣ်လီၤ. အဝဲဒၣ်သလၣ်ထီၣ်လံာ်ထူတထူန့ၣ်, ဒီးထံၣ်န့ၢ်တၢ်ကွဲးအသးတတီၤလၢအစံးဝဲဒၣ်,

လံာ်လူၤကၣ် 4:21

အဝဲဒၣ်စးထီၣ်ကတိၤတၢ်ဒီးအဝဲသ့ၣ်ဒီးစံးဝဲ, “တၢ်ကွဲးအသးတတီၤအံၤလၢထီၣ်ပှဲၤထီၣ်လံဝဲတနံၤအံၤ, ဖဲသုနၢ်ဟူတၢ်ဖးဖျါထီၣ်အီၤအဆၢကတီၢ်န့ၣ်လီၤ.”

လံာ်လူၤကၣ် 5:3

ယ့ၣ်ၡူးလဲၤနုာ်လီၤဆူချံတဘ့ၣ်အပူၤလၢအမ့ၢ်စီၤပ့းတရူးအတၢ်, ဒီးမၢအီၤလၢအကသုးယံၤထီၣ်အချံလၢထံကၢၢ်ခိၣ်တစဲးဖိလီၤ. အန့ၣ်ဝံၤဒီးယ့ၣ်ၡူးဆ့ၣ်နီၤလၢချံပူၤဒီးသိၣ်လီၤသီလီၤပှၤဂီၢ်မုၢ် တဖၣ်လီၤ.

လံာ်ယိၤဟၣ် 8:2

ပှၤဂီၢ်မုၢ်ခဲလၢာ်ဟဲအိၣ်ဝးတရံးအီၤ, ဒီးအဝဲဆ့ၣ်နီၤဒီးသိၣ်လီၤသီလီၤအဝဲသ့ၣ်န့ၣ်လီၤ.

မၤတၢ် 16:13

ဖဲပှၤယူဒၤဖိအမုၢ်အိၣ်ဘှံးနံၤန့ၣ်, ပဟးထီၣ်ဆူဝ့ၢ်အချၢဒီးလဲၤ ဆူထံကျိနံၤ, ဖဲတၢ်လီၢ်လၢပဆိကမိၣ်ပှၤယူဒၤဖိအတၢ်ဘါထု ကဖၣ်အလီၢ်ကအိၣ်ဝဲန့ၣ်လီၤ. ပဆ့ၣ်နီၤဒီးစံၣ်တဲၤတဲလီၤန့ၢ်တၢ်လၢပိာ်မုၣ်လၢအဟဲပာ်ဖှိၣ် သကိးအသးဖဲန့ၣ်တဖၣ်အဂီၢ်လီၤ.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.