လံာ်လူၤကၣ် 4:17 - Sgaw Karen Common Bible

¹⁷ ဒီးတၢ်ဟ့ၣ်လီၤအီၤလၢလံာ်ဝံယၡါယၤန့ၣ်လီၤ. အဝဲဒၣ်သလၣ်ထီၣ်လံာ်ထူတထူန့ၣ်, ဒီးထံၣ်န့ၢ်တၢ်ကွဲးအသးတတီၤလၢအစံးဝဲဒၣ်,

လံာ်လူၤကၣ် 4:17 Iomraidhean Croise

လံာ်လူၤကၣ် 16:29

စီၤအၤဘြၣ်ဟၣ်စံးဝဲ, ‘နဒီပုၢ်ဝဲၢ်ပိာ်ခွါတဖၣ်အိၣ်ဒီးစီၤမိၤၡ့ ဒီးဝံအတၢ်ကွဲးတဖၣ်လၢအကဟ့ၣ်ပလီၢ်အဝဲသ့ၣ်အဂီၢ်လီၤ. မ်နဒီပုၢ်ဝဲၢ်ပိာ်ခွါတဖၣ်ဒိကနၣ်အဝဲသ့ၣ်အတၢ်ကတိၤတက့ၢ်.’

လံာ်လူၤကၣ် 20:42

အဂ့ၢ်ဒ်အံၤ, စီၤဒၤဝံးအနီၢ်ကစၢ်ဒၣ်ဝဲစံးဝဲဖဲလံာ်စံးထီၣ်ပတြၢၤအပူၤ, ‘ကစၢ်စံးဘၣ်ယကစၢ် ဆ့ၣ်နီၤဖဲအံၤလၢယစုထွဲတကပၤ

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်လူၤကၣ် 4:20

ယ့ၣ်ၡူးထူထီၣ်က့ၤလံာ်ထူတထူန့ၣ်, ဟ့ၣ်က့ၤဝဲဆူပှၤတဂၤလၢအကွၢ်ထွဲဘူၣ်ဘျီၣ်လၢအမ့ၢ် တၢ်ဘါလီၢ်အစုပူၤဒီးဆ့ၣ်နီၤဝဲလီၤ. ပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် ကွၢ်စူၣ်အီၤကိးဂၤဒဲးလီၤ.

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.