လံာ်လူၤကၣ် 4:15 - Sgaw Karen Common Bible

¹⁵ အဝဲဒၣ်သိၣ်လီၤသီလီၤတၢ်လၢအဝဲသ့ၣ်အဘူၣ်ဘျီၣ်လၢ အမ့ၢ်တၢ်ဘါလီၢ်အပူၤ, ဒီးဘၣ်တၢ်စံးထီၣ်ပတြၢၤ အီၤလၢပှၤကိးဒံကိးဂၤဒဲးလီၤ.

လံာ်လူၤကၣ် 4:15 Iomraidhean Croise

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်မးသဲ 13:54

အဝဲက့ၤကဒါဝဲဆူဝ့ၢ်နစၤရ့း, ဒီးသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤလီၤ. ပှၤလၢအနၢ်ဟူအတၢ်သိၣ်လီၤသီလီၤတဖၣ် ကမၢကမၣ်ဝဲဒီးစံး, “ပှၤအံၤလဲၤမၤန့ၢ်အတၢ်ကူၣ်ဘၣ်ကူၣ်သ့ ဒီးတၢ်စိတၢ်ကမီၤလၢအကမၤတၢ်လီၤလးတဖၣ်အံၤဖဲလဲၣ်.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 1:39

ဒီးလဲၤဝဲသကုၤကီၢ်ကၤလံၤလါ, စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤဒီးဟီထီၣ်ကွံာ်တၢ်နါတဖၣ်လီၤ.

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်လူၤကၣ် 13:10

ဘၣ်ဖဲမုၢ်အိၣ်ဘှံးနံၤတနံၤန့ၣ်, ယ့ၣ်ၡူးသိၣ်လီၤသီလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖျၢၣ်အပူၤလီၤ.

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,