လံာ်လူၤကၣ် 4:1 - Sgaw Karen Common Bible

¹ ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ,

လံာ်လူၤကၣ် 4:1 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်မးသဲ 3:16

တုၤယ့ၣ်ၡူးဘၣ်တၢ်ဘျၢအီၤဝံၤဟဲက့ၤထီၣ်လၢထံကျါန့ၣ်, တၢ်မၤအသးလၢမူခိၣ်ဘၣ်တၢ်အိးထီၣ်အီၤဒီးအဝဲထံၣ်ဘၣ်ကစၢ်ယွၤ အသးဟဲလီၤလၢအလိၤမၤအသးဒ်ထိၣ်လွံၢ်ယူၤလီၤဒီးစီၢ်လီၤဝဲ အသိးန့ၣ်လီၤ.

လံာ်လူၤကၣ် 2:27

ယွၤအသးဆှၢအီၤသတးဒီး, စီၤစူၤမ့းအိၣ်လဲၤနုာ်လီၤဆူတၢ်လုၢ်ဟံၣ် အပူၤလီၤ. ဖဲဖိသၣ်ယ့ၣ်ၡူးအမိၢ်အပၢ်ဟဲစိာ်နုာ်ဖိသၣ်လၢတၢ်လုၢ်ဟံၣ် အပူၤ, ဒ်သိးအကမၤန့ၢ်တၢ်လၢအဂီၢ်ဒ်တၢ်သိၣ်တၢ်သီအိၣ်ဝဲအသိးန့ၣ်,

လံာ်လူၤကၣ် 3:3

လၢတၢ်န့ၣ်အဃိစီၤယိၤဟၣ်လဲၤဝဲသကုၤတၢ်လီၢ်တၢ်ကျဲဒီကဝီၤ လၢအအိၣ်ဝဲဒၣ်ဖဲထံကျိယၢ်ဒ့ၣ်အဃၢၤဒီးစံၣ်တဲၤတဲလီၤတၢ်ဒ် အံၤ, “ဃၣ်ကွံာ်သုသးလၢသုတၢ်ဒဲးဘးတဖၣ်ဒီးဒိးဘျၢသုသး တက့ၢ်. ဒီးကစၢ်ယွၤကပျၢ်ကွံာ်သုတၢ်ဒဲးဘးတဖၣ်န့ၣ်လီၤ.”

လံာ်လူၤကၣ် 3:38

စီၤက့ၤနၣ်အပၢ်မ့ၢ်ဝဲစီၤအနိၣ်, စီၤအနိၣ်အပၢ်မ့ၢ်ဝဲစီၤၡ့သး, စီၤၡ့သးအပၢ်မ့ၢ်ဝဲစီၤအၤဒၣ်လၢအမ့ၢ်ဝဲကစၢ်ယွၤအဖိခွါန့ၣ်လီၤ.

လံာ်လူၤကၣ် 4:14

တၢ်န့ၣ်ဝံၤအလီၢ်ခံ, ယ့ၣ်ၡူးဟဲက့ၤကဒါက့ၤဆူကီၢ်ကၤလံၤလါ, ဒီးသးစီဆှံအစိကမီၤအိၣ်ဒီးအီၤလီၤ. တၢ်ကစီၣ်ဘၣ်ဃးအဝဲဒၣ်အဂ့ၢ်အကျိၤဟူထီၣ်သါလီၤဝဲလၢ တၢ်လီၢ်အကဝီၤဖဲန့ၣ်ကိးတီၤဒဲးလီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်ယိၤဟၣ် 1:32

စီၤယိၤဟၣ်အုၣ်အသးဒီးစံးဝဲဒၣ်, “ယထံၣ်ယွၤအသးန့ၣ်ဟဲလီၤလၢမူခိၣ်ဒ်ထိၣ်လွံၢ်အသိး ဒီးအိၣ်ဝဲလၢအလိၤန့ၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.