လံာ်လူၤကၣ် 3:9 - Sgaw Karen Common Bible

⁹ ကွါအိၣ်ကတဲာ်ကတီၤပာ်လံအသးလၢတၢ်ကကူာ်လီၤကွံာ်သ့ၣ် တဖၣ်တုၤလၢအဂံၢ်ခီၣ်ထံးလီၤ. သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်အဂ့ၤန့ၣ်, ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.”

လံာ်လူၤကၣ် 3:9 Iomraidhean Croise

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်ဒၤနံးယ့လး 4:23

နဲဒၣ်စီၤပၤထံၣ်ဘၣ်ကလူးဟဲလီၤလၢမူခိၣ်တဂၤလၢအအိၣ်ဒီး တၢ်သူၣ်ပ့ၢ်သးဆှါဒီးတၢ်မဲာ်စီၣ်နါစီၣ်စံးဝဲဒၣ်, ကူာ်လီၤကွံာ် သ့ၣ်တထံးန့ၣ်ဒီးမၤဟးဂီၤကွံာ်အီၤတက့ၢ်. မ့မ့ၢ်အခိၣ်ဆၢၣ်အိၣ်ဒီးအ ဂံၢ်တဖၣ်လၢဟီၣ်ခိၣ်လာ်န့ၣ်စၢဃးအီၤလၢထးသွဲဒီးတိၢ်ဘီအပျံၤဒီးပာ်တ့ၢ် အီၤလၢတပံၢ်တမါတဖၣ်အကျါလၢပျီပူၤတက့ၢ်. ပှၤတဂၤန့ၣ် ကဘၣ်စီၣ်ဒၣ်ဝဲလၢမူခိၣ်အပစီၤထံဒီးမ်အအိၣ်ဒၣ်ဝဲလၢ ဆၣ်ဖိကီၢ်ဖိတဖၣ်အသိးအကျါတုၤအယံာ်နွံနံၣ်တက့ၢ်န့ၣ်,’

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 7:19

သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်လၢအဂ့ၤန့ၣ်, ကဘၣ်တၢ်ကူာ်လီၤကွံာ်အီၤဒီး တ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်လူၤကၣ် 13:6

တုၤနုၤတစုယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤလီၤ. “တဘျီလၢပှၤတဂၤအတၤသၣ်လီၢ်အပူၤန့ၣ်, ချၢၣ်ဒၢအိၣ်သူၣ်လီၤအသးတထူၣ်လီၤ. အဝဲဒၣ်လဲၤကွၢ်ဃုချၢၣ်ဒၢသၣ်လၢအလိၤဘၣ်ဆၣ် တထံၣ်န့ၢ်ဝဲနီတဖျၢၣ်ဘၣ်.

လံာ်လူၤကၣ် 13:7

လၢတၢ်န့ၣ်အဃိ, အဝဲဒၣ်စံးဘၣ်အပှၤပၢၤတၤသၣ်လီၢ်န့ၣ်, ‘ကွၢ်ကွၢ်တက့ၢ်. လၢသၢနံၣ်အတီၢ်ပူၤယဟဲယဲဖဲအံၤဒီး ကွၢ်ဃုချၢၣ်ဒၢသၣ်လၢချၢၣ်ဒၢတထူၣ်အံၤအလိၤ, ဒီးယတထံၣ်န့ၢ်ယဲနီတဖျၢၣ်ဘၣ်. ကူာ်လီၤကွံာ်အီၤတက့ၢ်. ဘၣ်မနုၤအဃိအကဘၣ်အိၣ်နိးဟီၣ်ခိၣ်န့ၣ်လဲၣ်.’

လံာ်လူၤကၣ် 13:9

သ့ၣ်န့ၣ်မ့ၢ်သၣ်ထီၣ်တၤသၣ်လၢခံတနံၣ်ဒီး, ကဂ့ၤဒိၣ်ဒၣ်တၢ်တက့ၢ်လီၤ. မ့ၢ်တသၣ်ထီၣ်ဘၣ်တခီကူာ်လီၤကွံာ်အီၤ တက့ၢ်.’ ”

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.