လံာ်လူၤကၣ် 3:8 - Sgaw Karen Common Bible

⁸ မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.

လံာ်လူၤကၣ် 3:8 Iomraidhean Croise

လံာ်စီၤနဃ့မယၤ 5:11

တြုာ်ကွံာ်ကယဲၢ်ဒ့ၣ်ကမၣ်ခဲလၢာ်လၢအကဘၣ်ဟ့ၣ်သု, ကျိၣ်ဧိၤစ့ဧိၤမ့ၢ်ဂ့ၤ, ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤသိမ့ၢ်ဂ့ၤန့ၣ်တက့ၢ်. ဒီးဟ့ၣ်ကဒါက့ၤအစံာ် ပျီတဖၣ်, အစပံးလီၢ်တဖၣ်, အသ့ၣ်စၤယံးအလီၢ်တဖၣ်ဒီးအဟံၣ်အဃီခဲကနံၣ်အံၤတက့ၢ်.”

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 3:8

အိၣ်မူဒီးမၤတၢ်မၤလၢအကြၢးဒီးတၢ်ပီၢ်ယၢ်ဒီးတၢ်ဃၣ်လိၤက့ၤ သုသးန့ၣ်တက့ၢ်.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

လံာ်လူၤကၣ် 13:26

တုၤနုၤတစုသုကစံးဆၢသုဝဲ, ‘ပအီၣ်တၢ်အီတၢ်ဒီးနၤ, ဒီးနသိၣ်လီၤသီလီၤတၢ်လၢပဝ့ၢ်ပူၤလီၤ.’

လံာ်လူၤကၣ် 14:9

ဒီးဟံၣ်ကစၢ်လၢအကွဲသုဝဲခံဂၤလၢာ်န့ၣ်ကဟဲဆူနအိၣ်ဒီးစံးဝဲ, ‘ပျဲအဝဲဒၣ်ဟံးန့ၢ်တၢ်လီၢ်အဝဲအံၤတက့ၢ်’ န့ၣ်လီၤ. တုၤနုၤတစုနမဲာ်ကဆှးဒီးနကဘၣ်ဆ့ၣ်နီၤက့ၤနဲလၢ တၢ်လီၢ်အဖုၣ်ကတၢၢ်လီၤ.

လံာ်လူၤကၣ် 19:40

ယ့ၣ်ၡူးစံးဆၢဝဲ, “အဝဲသ့ၣ်မ့ၢ်အိၣ်ဘှီၣ်ကလာ်န့ၣ်, ယစံးဘၣ်သု, လၢၢ်တဖၣ်ကကိးပသူထီၣ်ဝဲလီၤ.”

လံာ်လူၤကၣ် 19:9

ယ့ၣ်ၡူးစံးဘၣ်အီၤ, “မုၢ်တနံၤညါအံၤ, တၢ်အုၣ်က့ၤခီၣ်က့ၤ ဟဲတုၤလံလၢဟံၣ်တဖျၢၣ်အံၤလံ. အဂ့ၢ်ဒ်အံၤပှၤတဂၤအံၤစ့ၢ်ကီးမ့ၢ် ဝဲစီၤအၤဘြၤဟၣ်အစၢၤအသွဲၣ်လီၤ.

လံာ်လူၤကၣ် 5:21

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပှၤဖၤရံၤၡဲ တဖၣ်စံးလိာ်အသးတဂၤဒီးတဂၤဒီးစံးဝဲ, “ပှၤလၢအကတိၤကမၣ်ကစၢ်ယွၤလၢကျဲဒ်အံၤအသိးတဂၤ အံၤမ့ၢ်မတၤတဂၤလဲၣ်. ပှၤကညီပျၢ်တၢ်ဒဲးဘးတသ့နီတဂၤဘၣ်, သ့ထဲကစၢ်ယွၤတဂၤဧိၤလီၤ.”

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

လံာ်ယိၤဟၣ် 8:39

အဝဲသ့ၣ်စံးဆၢအီၤ, “ပပၢ်မ့ၢ်စီၤအၤဘြၤဟၣ်လီၤ.” ဒီးယ့ၣ်ၡူးစံးဘၣ်အီၤ, “သုမ့မ့ၢ်နီၢ်နီၢ်စီၤအၤဘြၤဟၣ် အဖိတဖၣ်ဒီးသုကမၤတၢ်တမံၤဃီလၢအဝဲမၤတ့ၢ်ဝဲတဖၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 9:7

ဒ်န့ၣ်အသိး, ပှၤလၢအဟဲလီၤစၢၤလၢစီၤအၤဘြၤဟၣ် တဖၣ်စ့ၢ်ကီးတမ့ၢ်ကစၢ်ယွၤအဖိခဲလၢာ်န့ၣ်ဘၣ်. ကစၢ်ယွၤ စံးဘၣ်စီၤအၤဘြၤဟၣ်, “နစၢၤနသွဲၣ်လၢယအၢၣ်လီၤနၤ တဖၣ်န့ၣ်ကမ့ၢ်ပှၤလၢအဟဲလီၤစၢၤလၢစီၤအံၤစဲးန့ၣ်လီၤ” (ကဲထီၣ်၂၁:၁၂).

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.