လံာ်လူၤကၣ် 3:5 - Sgaw Karen Common Bible

⁵ ကယဲၢ်ကစၢၢ်ကဆူးကဘၣ်တၢ်မၤပှဲၤထီၣ်အီၤ, ကယဲၢ်တၢ်လူၢ်တၢ်တြီၤဒီးကစၢၢ်ခိၣ်ကလိခံတဖၣ် ကဘၣ်တၢ်မၤပၢၤအီၤ, ကယဲၢ်ကျဲအက့ၣ်အကူတဖၣ်ကဘၣ်တၢ်မၤဘျၢအီၤ, ဒီးကျဲဖိလၢအထီၣ်ကူလီၤယၢၣ်တဖၣ် ကဘၣ်တၢ်မၤဃူထီၣ်အီၤလီၤ.

လံာ်လူၤကၣ် 3:5 Iomraidhean Croise

လံာ်ယၡါယၤ 40:4

မၤပှဲၤတၢ်တြီၤခဲလၢာ် ဒီးမၤပၢၤကစၢၢ်ခဲလၢာ်တက့ၢ်. တၢ်လူၢ်တဖၣ်ကကဲထီၣ်ပျီတဘ့ၣ် ဒီးထံကီၢ်လၢအထီၣ်ကူလီၤယၢၣ်အံၤကဘၣ်တၢ်မၤဘျ့ မၤပၢၤအီၤန့ၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 45:2

“ယနီၢ်ကစၢ်ဒၣ်ယဲ, ယကကတဲာ်ကတီၤနကျဲ ဒီးမၤပၢၤလီၤကစၢၢ်တဖၣ်ဒီးတၢ်လူၢ်တဖၣ်လီၤ. ယကမၤကၢ်ကွံာ်တြဲၤတိၢ်ဘီတဖၣ်ဒီးတီၢ်လီၤကလဲအဝဲသ့ၣ် အထးဘိတဖၣ်လီၤ.

လံာ်ယၡါယၤ 49:11

ယကမၤထီၣ်ကျဲမုၢ်ဖးဒိၣ်တဘိလဲၤခီဖျိကစၢၢ်တဖၣ် ဒီးကတဲာ်ကတီၤကျဲမုၢ်တဘိလၢ ယပှၤဂီၢ်မုၢ်ကလဲၤတၢ်က့ၤတၢ်အဂီၢ်လီၤ.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

ယၤကိာ် 1:9

ပှၤခရံာ်ဖိလၢအဖှီၣ်တဂၤဖဲကစၢ်ယွၤပာ်ထီၣ်ထီအီၤန့ၣ်, ကဘၣ်သးခုလီၤ.