လံာ်လူၤကၣ် 3:36 - Sgaw Karen Common Bible

³⁶ စီၤစ့ၤလါအပၢ်မ့ၢ်ဝဲစီၤက့ၤနၣ်, စီၤက့ၤနၣ်အပၢ်မ့ၢ်ဝဲစီၤအၢ်ဖးၡး, စီၤအၢ်ဖးၡးအပၢ်မ့ၢ်ဝဲစီၤၡ့ၣ်, စီၤၡ့ၣ်အပၢ်မ့ၢ်ဝဲစီၤနိအၤ, စီၤနိအၤအပၢ်မ့ၢ်ဝဲစီၤလ့ၤမ့း,

လံာ်လူၤကၣ် 3:36 Iomraidhean Croise

လံာ်တၢ်ကဲထီၣ်အခီၣ်ထံး 5:3

ဖဲစီၤအၤဒၣ်အသးအိၣ်ဝဲအနံၣ်တကယၤသၢဆံန့ၣ်အဝဲထီၣ်ဖိ အဖိခွါလၢအလီၤဂာ်ဒီးအီၤဒီးယုၢ်န့ၢ်ဝဲအမံၤလၢစီၤၡ့သး န့ၣ်လီၤ.

လံာ်တၢ်ကဲထီၣ်အခီၣ်ထံး 6:22

ဒီးစီၤနိအၤမၤဝဲတၢ်ကိးမံၤဒဲးဒ်ကစၢ်ယွၤမၤလိာ်တ့ၢ်အီၤ အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 7:13

လၢမုၢ်နံၤတနံၤဃီန့ၣ်စီၤနိအၤဒီးအမါလဲၤနုာ်ဆူကဘီပူၤ ဃုာ်ဒီးအဖိခွါသၢဂၤ, စီၤၡ့ၣ်, စီၤဃၣ်ဒီးစီၤယ့ဖ့းသးဒီး အဝဲသ့ၣ်အမါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:23

ယွၤမၤဟးဂီၤကွံာ်ကယဲၢ်တၢ်လၢအမူအသါခဲလၢာ်လၢဟီၣ်ခိၣ်ဖီ ခိၣ်, ပှၤကညီတဖၣ်, ဆၣ်ဖိကီၢ်ဖိတဖၣ်ဒီးထိၣ်ဖိလံၣ်ဖိ တဖၣ်န့ၣ်လီၤ. ပှၤအိၣ်လီၤတဲာ်ဒၣ်ထဲစီၤနိအၤဒီးပှၤအိၣ်ဒီး အီၤတဖၣ်လၢကဘီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:1

ကစၢ်ယွၤဆိၣ်ဂ့ၤစီၤနိအၤဒီးအဖိခွါတဖၣ်ဒီးစံးဝဲ, “အိၣ်ဒီးသုဖိသုလံၤအါဂၤဒ်သိးသုစၢၤသုသွဲၣ်တဖၣ်ကအိၣ် မူအိၣ်ဂဲၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

လံာ်တၢ်ကဲထီၣ်အခီၣ်ထံး 9:18

စီၤနိအၤအဖိခွါတဖၣ်လၢအဟးထီၣ်လၢကဘီပူၤန့ၣ်မ့ၢ်ဝဲ စီၤၡ့ၣ်, စီၤဃၣ်ဒီးစီၤယ့ဖ့းသးတဖၣ်လီၤ. (စီၤဃၣ်န့ၣ်မ့ၢ်စီၤကနၤဧၣ်အပၢ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 1:1

စီၤအၤဒၣ်မ့ၢ်စီၤၡ့သးအပၢ်, စီၤၡ့သးမ့ၢ်စီၤအနိၣ်အပၢ်, စီၤအနိၣ်မ့ၢ်စီၤက့ၤနၣ်အပၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 1:17

စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.

လံာ်ယဃ့းစက့လး 14:14

ပှၤသၢဂၤလၢအမ့ၢ်ဝဲစီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, အဝဲသ့ၣ်အတၢ်ဂ့ၤတၢ်ဝါကအုၣ်က့ၤခီၣ်က့ၤဒၣ်ထဲအဝဲသ့ၣ်အသးသမူ ဒၣ်ဝဲဧိၤန့ၣ်လီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လီၤ.

လံာ်လူၤကၣ် 17:27

ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.

လံာ်လူၤကၣ် 3:35

စီၤနၤဃိၢ်အပၢ်မ့ၢ်ဝဲစီၤစၤရူာ်, စီၤစၤရူာ်အပၢ်မ့ၢ်ဝဲစီၤရူၤ, စီၤရူၤအပၢ်မ့ၢ်ဝဲစီၤပ့ၤလ့း, စီၤပ့ၤလ့းအပၢ်မ့ၢ်ဝဲစီၤဧၤဘ့ၢ်, စီၤဧၤဘ့ၢ်အပၢ်မ့ၢ်ဝဲစီၤစ့ၤလါ,

လံာ်လူၤကၣ် 3:37

စီၤလ့ၤမ့းအပၢ်မ့ၢ်ဝဲစီၤမသူၤၡလၤ, စီၤမသူၤၡလၤအပၢ်မ့ၢ်ဝဲစီၤဃနိာ်, စီၤဃနိာ်အပၢ်မ့ၢ်ဝဲစီၤယၤရ့း, စီၤယၤရ့းအပၢ်မ့ၢ်ဝဲစီၤမဟၤလ့လး, စီၤမဟၤလ့လးအပၢ်မ့ၢ်ဝဲစီၤက့ၤနၣ်,

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.