လံာ်လူၤကၣ် 3:3 - Sgaw Karen Common Bible

³ လၢတၢ်န့ၣ်အဃိစီၤယိၤဟၣ်လဲၤဝဲသကုၤတၢ်လီၢ်တၢ်ကျဲဒီကဝီၤ လၢအအိၣ်ဝဲဒၣ်ဖဲထံကျိယၢ်ဒ့ၣ်အဃၢၤဒီးစံၣ်တဲၤတဲလီၤတၢ်ဒ် အံၤ, “ဃၣ်ကွံာ်သုသးလၢသုတၢ်ဒဲးဘးတဖၣ်ဒီးဒိးဘျၢသုသး တက့ၢ်. ဒီးကစၢ်ယွၤကပျၢ်ကွံာ်သုတၢ်ဒဲးဘးတဖၣ်န့ၣ်လီၤ.”

လံာ်လူၤကၣ် 3:3 Iomraidhean Croise

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်လူၤကၣ် 1:16

ဒီးအဝဲကဆှၢက့ၤအံၣ်စရ့လးအပှၤဂီၢ်မုၢ်အါဒံအါဂၤဆူအဝဲသ့ၣ်အယွၤ, ကစၢ်ယွၤအအိၣ်လီၤ.

လံာ်လူၤကၣ် 1:77

ဒ်သိးနကစံးဘၣ်တဲဘၣ်အဝဲဒၣ်အပှၤဂီၢ်မုၢ်လၢ အဝဲသ့ၣ်ကဒိးန့ၢ်ဘၣ်တၢ်အုၣ်က့ၤခီၣ်က့ၤ ခီဖျိအတၢ်ဒဲးဘးတဖၣ် ဘၣ်တၢ်ပျၢ်ကွံာ်အီၤန့ၣ်လီၤ.

လံာ်လူၤကၣ် 4:1

ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ,

လံာ်ယိၤဟၣ် 1:28

တၢ်သ့ၣ်တဖၣ်အံၤမၤအသးခဲလၢာ်လၢသဝီဘ့ၤသနံလၢထံကျိယၢ် ဒ့ၣ်အမုၢ်ထီၣ်တကပၤ, ဖဲစီၤယိၤဟၣ်ဘျၢတၢ်န့ၣ်လီၤ.

လံာ်ယိၤဟၣ် 3:26

လၢတၢ်န့ၣ်အဃိအဝဲသ့ၣ်လဲၤဝဲဆူစီၤယိၤဟၣ်အအိၣ်ဒီး စံးဘၣ်အီၤ, “သရၣ်ဧၢ, ပှၤလၢအအိၣ်ဒီးနၤလၢယၢ်ဒ့ၣ်ဝၢ်ဘးခီ လၢနအုၣ်နသးလၢအဂ့ၢ်တဂၤန့ၣ်, ခဲအံၤဘျၢပှၤလၢထံဒီး ပှၤခဲလၢာ်လဲၤဆူအအိၣ်လီၤ.”

မၤတၢ် 13:24

တချုးယ့ၣ်ၡူးစးထီၣ်အတၢ်ဖံးတၢ်မၤန့ၣ်, စီၤယိၤဟၣ်စံၣ်တဲၤတဲလီၤတၢ်လၢပှၤအံၣ်စရ့လးဖိခဲလၢာ်, ဒ်သိးအဝဲသ့ၣ်ကဃၣ်ကွံာ်အသးလၢအတၢ်ဒဲးဘးဒီးဒိးဘျၢ အသးန့ၣ်လီၤ.

မၤတၢ် 19:4

စီၤပီလူးစံးဝဲ, “စီၤယိၤဟၣ်အတၢ်ဘျၢန့ၣ်မ့ၢ်တၢ်ဒိးဘျၢ လၢပှၤပီၢ်ယၢ်လီၤက့ၤအသးတဖၣ်အဂီၢ်လီၤ. ဒီးအဝဲဒၣ်တဲဘၣ်ပှၤအံၣ်စရ့လးဖိသ့ၣ်တဖၣ်လၢအကစူၢ် က့ၤနာ်က့ၤပှၤတဂၤလၢအဟဲလၢအလီၢ်ခံ, လၢအမ့ၢ်ယ့ၣ်ၡူးန့ၣ်လီၤ.”

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’