လံာ်လူၤကၣ် 24:5 - Sgaw Karen Common Bible

⁵ ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

လံာ်လူၤကၣ် 24:5 Iomraidhean Croise

လံာ်ဒၤနံးယ့လး 10:16

အန့ၣ်ဝံၤဒီး, မူခိၣ်ကလူးလၢအလီၤဂာ်ဒီးပှၤကညီ တဂၤန့ၣ်ယူာ်ဃီၤအစုဒီးထိးဘၣ်ယနိးဖံးတဖၣ်လီၤ. ဒီးယစံးဘၣ်အီၤ, “တၢ်ဒိၣ်ဧၢ, တၢ်ထံၣ်လၢညါခီအံၤမၤစၢ် လီၤယဂံၢ်ယဘါတုၤဒၣ်လဲာ်ယကနိးကစုာ်တကတၢၢ်ဘၣ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်လူၤကၣ် 1:29

နီၢ်မၤရံအသးဘၣ်တံာ်တာ်ဝဲဒိၣ်မးလၢကလူးအတၢ်ကစီၣ် တမံၤန့ၣ်အဃိဒီးဆိကမိၣ်ဝဲကလူးအတၢ်ကတိၤတဖၣ်န့ၣ်, မ့ၢ်တၢ်မနုၤလဲၣ်အဂ့ၢ်န့ၣ်လီၤ.

လံာ်လူၤကၣ် 24:4

ဖဲအဝဲသ့ၣ်အိၣ်ဆၢထၢၣ်ဖဲန့ၣ်ဒီးကမၢကမၣ်ဝဲလၢတၢ်တမံၤအံၤအဂ့ၢ်န့ၣ်, သတူၢ်ကလာ်ပှၤခံဂၤကူသိးတၢ်ကူတၢ်ကၤကပြုၢ်ကပြီၤ ဆၢထၢၣ်လၢအဝဲသ့ၣ်အဃၢၤလီၤ.

လံာ်လူၤကၣ် 24:6

အဝဲဒၣ်တအိၣ်ဖဲအံၤဘၣ်. ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လံ. သ့ၣ်နီၣ်ထီၣ်က့ၤတၢ်လၢအဝဲဒၣ်စံးဘၣ်တ့ၢ်သုဖဲအအိၣ် ဝဲလၢကီၢ်ကၤလံၤလါအဆၢကတီၢ်န့ၣ်တက့ၢ်.

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.

ဧ့ၤဘြံၤ 7:8

ဖဲအဘၣ်ဃးဒီးပှၤလုၢ်တၢ်အခိၣ်တဖၣ်, ပှၤလၢအဟံးန့ၢ်တၢ်ဆံဆဲၣ်ပူ တပူန့ၣ်, မ့ၢ်ပှၤလၢအသံသ့တဖၣ်ဘၣ်ဆၣ်ဖဲအဘၣ်ဃးဒီး စီၤမၤလကံစဒ့းန့ၣ်, ပှၤဟံးန့ၢ်တၢ်ဆံဆဲၣ်ပူတပူၤ မ့ၢ်ပှၤလၢအမူဝဲတဂၤဒ်တၢ်ကွဲးအသးအုၣ်တ့ၢ်အသး အသိးန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.