လံာ်လူၤကၣ် 24:45 - Sgaw Karen Common Bible

⁴⁵ တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်လူၤကၣ် 24:45 Iomraidhean Croise

လံာ်စီၤယိၤဘး 33:16

အဝဲကတိၤတၢ်လၢပှၤကညီအနၢ်ပူၤဒီးမၤပျံၤမၤဖုးအီၤလၢ အတၢ်ဟ့ၣ်ပလီၢ်တဖၣ်န့ၣ်လီၤ.

စံးထီၣ်ပတြၢၤ 119:18

အိးထီၣ်ယမဲာ်တက့ၢ်. ဒီးယကထံၣ်ဘၣ်တၢ်နတၢ်မ့ၢ်တၢ်တီလီၤလိၢ်လီၤလးတဖၣ်လၢ နတၢ်သိၣ်တၢ်သီအပူၤလီၤ.

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

လံာ်လူၤကၣ် 24:32

အဝဲသ့ၣ်စံးလိာ်အသး, “ဖဲအဝဲဒၣ်ကတိၤတၢ်ဒီးပှၤလၢကျဲဒီး တဲနၢ်ပၢၢ်ပှၤဘၣ်ဃးတၢ်ကွဲးအသးစီဆှံတဖၣ်အဂ့ၢ်န့ၣ်, တၢ်မၤမးအသးဒ်မ့ၣ်အူအီၣ်တၢ်လၢပပူၤတမ့ၢ်ဘၣ်ဧါ.”

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.