လံာ်လူၤကၣ် 24:44 - Sgaw Karen Common Bible

⁴⁴ အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 24:44 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 118:22

လၢၢ်လၢပှၤသူၣ်ထီၣ်တၢ်ဖိတဖၣ်ညိကွံာ် ဝဲဒ်တၢ်ကလီကလီအသိးန့ၣ်, ကဲထီၣ်လၢၢ်လၢအကါဒိၣ်ကတၢၢ်န့ၣ်လံ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 33:14

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤလၢပှဲၤ တၢ်အၢၣ်လီၤလၢ ယမၤတ့ၢ်ဒီး ကီၢ်အံၣ်စရ့လးဒီး ကီၢ်ယူဒၤ အပှၤဂီၢ်မုၢ်န့ၣ်လီၤ.

လံာ်ယဃ့းစက့လး 17:22

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ယကဟံးန့ၢ်သ့ၣ်ဆှိအ့းရ့းဖးထီတထံးအစိးနါဒီးမၤကၢ်ကွံာ် အဒိးစၢ်ဖိအဒ့ဒီးသူၣ်လီၤအီၤလၢကစၢၢ်လၢအထီတဖျၢၣ်အဒီခိၣ်,

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်တၢ်ဂံၢ် 21:8

တုၤနုၤတစု, ယွၤစံးဘၣ်စီၤမိၤၡ့လၢကမၤကဲထီၣ်ဂုၢ်သ့ၣ်တဘိ လၢတိၢ်ဘီဒီးပာ်ထီၣ်အီၤလၢသ့ၣ်တဘိအဖီခိၣ်ဒ်သိးပှၤတဂၤလၢ် လၢ်လၢဘၣ်တၢ်အ့ၣ်ဘၣ်အီၤလၢဂုၢ်န့ၣ်ကွၢ်ထီၣ်ဝဲကသ့ဒီး ကဘျါက့ၤအဂီၢ်န့ၣ်လီၤ.

လံာ်တၢ်ဂံၢ် 35:25

ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

လံာ်မးသဲ 1:22

တၢ်မၤအသးခဲလၢာ်အံၤမ့ၢ်ဒ်သိးတၢ်ကတိၤတဖၣ်လၢ ကစၢ်စံးတ့ၢ်ဝဲခီဖျိဝံတဂၤန့ၣ်, ကလၢထီၣ်ပှဲၤထီၣ်ဝဲအဂီၢ်လီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 26:54

ဘၣ်ဆၣ် တၢ်မ့ၢ်မၤအသးဒ်န့ၣ်ဒီး, တၢ်ကွဲးအသးစီဆှံလၢအစံးလၢတၢ်ကဘၣ်မၤအသးဒ်အံၤလီၤန့ၣ်, ကလၢထီၣ်ပှဲၤထီၣ်ဝဲလၢကျဲဒ်လဲၣ်.”

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မၢ်ကူး 9:31

အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်လူၤကၣ် 22:37

အဂ့ၢ်ဒ်အံၤ, ယစံးဘၣ်တဲဘၣ်သုတၢ်တမံၤအံၤ, တၢ်ကွဲးအသးလၢအစံးဝဲ, ‘အဝဲဘၣ်တၢ်ဂံၢ်ဃုာ်အီၤလၢပှၤလုၣ်သ့ၣ်ခါပတာ်ထံကီၢ် အတၢ်သိၣ်တၢ်သီတဖၣ်အသိးအကျါ,’ တတီၤန့ၣ်, ကဘၣ်ဟဲလၢထီၣ်ပှဲၤထီၣ်ဝဲလၢယၤလီၤ. အဂ့ၢ်ဒ်အံၤ, တၢ်လၢအဘၣ်တၢ်ကွဲးတ့ၢ်အီၤလၢယဂ့ၢ်န့ၣ် ဟဲလၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

လံာ်လူၤကၣ် 9:22

ဒီးတဲအါထီၣ်ကဒီးဝဲ, “ပှၤကညီဖိခွါကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ. အဝဲဒၣ်ကဘၣ်တၢ်မၤသံအီၤ, ဒီးဖဲသၢနံၤတနံၤန့ၣ် အဝဲကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ.”

လံာ်လူၤကၣ် 9:44

“တၢ်လၢယကစံးဘၣ်တဲဘၣ်သုခဲကနံၣ်အံၤန့ၣ်, တဘၣ်သးပ့ၤနီၣ်တဂ့ၤ. ပှၤကညီဖိခွါအံၤကဘၣ်တၢ်ဟ့ၣ်လီၤကွံာ်အီၤဆူပှၤကညီအစိ ကမီၤအစုပူၤလီၤ.”

လံာ်ယိၤဟၣ် 3:14

ဒီးဒ်စီၤမိၤၡ့ယူာ်ထီၣ်ဂုၢ်တိၢ်ဘီလၢနီၣ်ထိးဘိအလိၤလၢပှၢ်မုၢ်ကနၢ အသိးန့ၣ်, ပှၤကညီဖိခွါအံၤကဘၣ်တၢ်ယူာ်ထီၣ်အီၤဒ်န့ၣ်အသိး,

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

လံာ်ယိၤဟၣ် 5:46

သုမ့ၢ်နာ်တ့ၢ်စီၤမိၤၡ့နီၢ်နီၢ်ဒီး, သုကနာ်တ့ၢ်ယၤ, မ့ၢ်လၢအဝဲကွဲးတၢ်ဘၣ်ဃးဒီးယၤအဃိလီၤ.

မၤတၢ် 13:33

လၢကစၢ်ယွၤအၢၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်, လၢအကမၤဝဲန့ၣ်လီၤ. မၤလံဝဲခဲကနံၣ်အံၤလၢပဂီၢ်, ပဝဲလၢအမ့ၢ်အဝဲသ့ၣ်အစၢၤအသွဲၣ်တဖၣ်, ခီဖျိအဒုးဂဲၤဆၢထၢၣ်သမူထီၣ်က့ၤယ့ၣ်ၡူးန့ၣ်လီၤ. ဒ်တၢ်ကွဲးအသးဖဲထါစံးထီၣ်ပတြၢၤအယုၢ်ခံအိၣ်ဝဲအသိးန့ၣ်, ‘နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤ, ယကဲထီၣ်နပၢ်လံ.’

မၤတၢ် 13:40

လၢတၢ်န့ၣ်အဃိ, ပလီၢ်သုသးဒ်သိးတၢ်လၢဝံတဖၣ်စံးတ့ၢ်ဝဲန့ၣ်, အသုတမၤအသးဒီးသုတဂ့ၤအဂီၢ်န့ၣ်တက့ၢ်.

မၤတၢ် 2:27

အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.

မၤတၢ် 3:18

တၢ်လၢကစၢ်ယွၤကတိၤဆိပာ်တ့ၢ်ဝဲခီဖျိဝံခဲလၢာ်လၢခရံာ် ကဘၣ်တူၢ်တၢ်နးတၢ်ဖှီၣ်န့ၣ်, ဒုးလၢထီၣ်ပှဲၤထီၣ်ဝဲလၢကျဲဒ်အံၤလီၤ.

မၤတၢ် 7:37

စီၤမိၤၡ့မ့ၢ်ပှၤလၢအစံးဘၣ်ပှၤအံၣ်စရ့လးဖိတဖၣ်, ‘ကစၢ်ယွၤကမၢလီၤဝံတဂၤလၢအကဟဲဆူသုအိၣ်, ဒ်အမၢလီၤယၤအသိး, ဒီးအဝဲဒၣ်ကမ့ၢ်ပှၤလၢ သုပှၤကလုာ်ဒၣ်ဝဲအကျါတဂၤလီၤ.’

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 3:5

စီၤမိၤၡ့အကလုၢ်တီဝဲလၢယွၤအပှၤဂီၢ်မုၢ်အဖီခိၣ်ဒ်တၢ်အခ့ အပှၤတဂၤအသိး, ဒီးအဝဲကတိၤတၢ်ဘၣ်ဃးတၢ်လၢကစၢ်ယွၤ ကစံးကတိၤဝဲလၢခါလၢအကဟဲအပူၤတဖၣ်လီၤ.

ဧ့ၤဘြံၤ 7:1

စီၤမၤလကံစဒ့းအံၤမ့ၢ်ၡၤလ့ၣ်အစီၤပၤ, တၢ်ဒိၣ်ကတၢၢ်ထီကတၢၢ်ကစၢ်ယွၤအပှၤလုၢ်တၢ်အခိၣ် တဂၤလၢအလဲၤသဂၢၢ်ဒီးဆိၣ်ဂ့ၤစီၤအၤဘြၤဟၣ်ဖဲအဟဲ က့ၤလၢတၢ်မၤနၢၤဒီးမၤသံကွံာ်စီၤပၤတဖၣ်ဝံၤအလီၢ်ခံ န့ၣ်လီၤ.

ဧ့ၤဘြံၤ 9:8

ခီဖျိတၢ်အံၤသးစီဆှံဒုးနဲၣ်ပှၤလၢဖဲဒဲလၢတၢ်ချၢတတီၤ အိၣ်ဒံးဝဲအဖၢမုၢ်န့ၣ်, ကျဲလၢတၢ်စီဆှံကတၢၢ်အလီၢ်န့ၣ်တဘၣ်တၢ်အိးထီၣ်ဒံး အီၤဘၣ်န့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.