လံာ်လူၤကၣ် 24:41 - Sgaw Karen Common Bible

⁴¹ အန့ၣ်ဒၣ်လဲာ်, အဝဲသ့ၣ်တနာ်ဝဲဒံးဘၣ်. အဝဲသ့ၣ်လၢပှဲၤဒီးတၢ်သးခုဒီးတၢ်ကမၢကမၣ်န့ၣ်လီၤ. လၢတၢ်န့ၣ်အဃိ, အဝဲဒၣ်သံကွၢ်အဝဲသ့ၣ်, “သုအိၣ်ဒီးတၢ်အီၣ်တၢ်အီဖဲအံၤတမံၤမံၤဧါ.”

လံာ်လူၤကၣ် 24:41 Iomraidhean Croise

လံာ်စီၤယိၤဘး 9:16

အဝဲမ့ၢ်ပျဲယစံးကတိၤတၢ်ဒၣ်လဲာ်အဝဲကဒိကနၣ်ယၤန့ၣ် ယနာ်တသ့ဘၣ်န့ၣ်လီၤ.

လံာ်မၢ်ကူး 16:11

ဒီးတုၤအနၢ်ဟူအဝဲဒၣ်အတၢ်စံးဘၣ်အီၤလၢယ့ၣ်ၡူးမူဝဲဒီး ထံၣ်ဘၣ်အီၤလၢအကစၢ်ဒၣ်ဝဲန့ၣ်ဒီး, အဝဲသ့ၣ်တနာ်အီၤဘၣ်.

လံာ်မၢ်ကူး 16:13

ပှၤခံဂၤန့ၣ်က့ၤကဒါက့ၤဒီးစံးဘၣ်တဲဘၣ်ဝဲအပျဲၢ်အဘီၣ်အဂၤ တဖၣ်, ဘၣ်ဆၣ်ဒီးအဝဲသ့ၣ်တနာ်ပှၤခံဂၤန့ၣ်ဘၣ်.

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်မၢ်ကူး 8:7

လၢအဝဲသ့ၣ်အအိၣ်န့ၣ်, အိၣ်စ့ၢ်ကီးဒီးညၣ်ဖိစှၤဘ့ၣ်န့ၣ်လီၤ. ယ့ၣ်ၡူးစံးထီၣ်ပတြၢၤယွၤအဘျုးအဖှိၣ်ဝံၤမၤလိာ်အပျဲၢ်အဘီၣ် တဖၣ်လၢကနီၤဟ့ၣ်အီၣ်စ့ၢ်ကီးပှၤတဖၣ်န့ၣ်လီၤ.

လံာ်လူၤကၣ် 24:11

ဘၣ်ဆၣ်ဒီးပှၤတၢ်မၢဖိတဖၣ်ဆိကမိၣ်ဝဲလၢတၢ်လၢပှၤပိာ်မုၣ် တဖၣ်တဲအီၤန့ၣ်မ့ၢ်ဒၣ်တၢ်လၢအခီပညီတအိၣ်, ဒီးတနာ်အဝဲသ့ၣ်ဘၣ်.

လံာ်လူၤကၣ် 24:40

အဝဲဒၣ်စံးတၢ်အံၤဝံၤဒီး, ဒုးနဲၣ်အဝဲသ့ၣ်လၢအစုအခီၣ်တဖၣ်န့ၣ်လီၤ.

လံာ်လူၤကၣ် 24:42

အဝဲသ့ၣ်ဟ့ၣ်အီၤညၣ်အကၣ်တစဲး

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

လံာ်ယိၤဟၣ် 21:5

အန့ၣ်ဒီး, ယ့ၣ်ၡူးသံကွၢ်အဝဲသ့ၣ်, “ဖိသ့ၣ်လံၤသ့ၣ်ဧၢ, မ့ၢ်သုမၤအီၣ်ညၣ်တန့ၢ်ဘၣ်ဧါ.” အဝဲသ့ၣ်စံးဆၢအီၤ, “တန့ၢ်နီတဘ့ၣ်ဘၣ်.”

မၤတၢ် 12:14

အဝဲဒၣ်သ့ၣ်ညါစီၤပ့းတရူးအကလုၢ်, ဒီးသူၣ်ခုသးခုဝဲတုၤဒၣ်လဲာ်တအိးထီၣ်တြဲၤဘၣ်ဒီးက့ၤဃ့ၢ် နုာ်ဒီးဘိးဘၣ်သ့ၣ်ညါပှၤဂၤတဖၣ်လၢစီၤပ့းတရူးအိၣ်ဆၢထၢၣ်လၢ တၢ်ချၢန့ၣ်လီၤ.