လံာ်လူၤကၣ် 24:4 - Sgaw Karen Common Bible

⁴ ဖဲအဝဲသ့ၣ်အိၣ်ဆၢထၢၣ်ဖဲန့ၣ်ဒီးကမၢကမၣ်ဝဲလၢတၢ်တမံၤအံၤအဂ့ၢ်န့ၣ်, သတူၢ်ကလာ်ပှၤခံဂၤကူသိးတၢ်ကူတၢ်ကၤကပြုၢ်ကပြီၤ ဆၢထၢၣ်လၢအဝဲသ့ၣ်အဃၢၤလီၤ.

လံာ်လူၤကၣ် 24:4 Iomraidhean Croise

လံာ်တၢ်ကဲထီၣ်အခီၣ်ထံး 18:2

အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်မၢ်ကူး 16:5

တုၤအဝဲသ့ၣ်လဲၤနုာ်ဝဲဆူတၢ်သွၣ်ခိၣ်အပူၤန့ၣ်ဒီး, ထံၣ်ဝဲပိာ်ခွါသးစၢ်တဂၤဆ့ၣ်နီၤလၢအဝဲသ့ၣ်အစုထွဲတကပၤ, သိးဒီးဆ့ကၤဝါဖးထီတဘ့ၣ်, ဒီးအဝဲသ့ၣ်ဖုးဘၣ်အသးဒီးအသးလီၤကတုၤဝဲဒၣ်လီၤ.

လံာ်လူၤကၣ် 2:9

ယွၤအကလူးတဂၤအိၣ်ဖျါထီၣ်လၢအဝဲသ့ၣ်အမဲာ်ညါ, ဒီးကစၢ်အလၤကပီၤကပီၤထီၣ်ဝးတရံးအဝဲသ့ၣ်လီၤ. အဝဲသ့ၣ်ပျံၤတၢ်ဖုးတၢ်ဒိၣ်မး,

လံာ်လူၤကၣ် 24:5

ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

မၤတၢ် 1:10

ဖဲအဝဲသ့ၣ်ကွၢ်စူၣ်ဒံးတၢ်ဆူမူခိၣ်အကတီၢ်န့ၣ်, သတူၢ်ကလာ်ပှၤခံဂၤကူသိးတၢ်အဝါဟဲအိၣ်ဆၢ ထၢၣ်ဖဲအဝဲသ့ၣ်အကပၤ

မၤတၢ် 12:7

သတူၢ်ကလာ်, ကစၢ်အကလူးတဂၤအိၣ်ဆၢထၢၣ်ဖဲန့ၣ်, ဒီးတၢ်ကပီၤထီၣ်ဝဲလၢဃိာ်အဒၢးပူၤန့ၣ်လီၤ. ကလူးတရုၤ စီၤပ့းတရူးအဖံဘၣ်ခိၣ်, ထိၣ်ဂဲၤထၢၣ်အီၤဒီးစံးဝဲ, “မၤချ့ချ့, ဂဲၤဆၢထၢၣ်တက့ၢ်.” တဘျီဃီဖဲန့ၣ်ပျံၤထးတဖၣ်လီၤတဲာ်ကွံာ်လၢစီၤပ့းတရူးအစု ခံခီအလိၤန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.